Tehran, 07.06.2016 – İran İslam Respublikası prezidenti mübarək Ramazan ayının gəlib çatması münasibəti ilə İslam ölkələri başçılarını təbrik edib.
IQNA - Həsən Ruhani bazar ertəsi günü İslam
ölkələri başçılarına ayrı-ayrılıqda ünvanlanmış müraciətlərdə Ramazan ayının
gəlib çatması münasibəti ilə, onları kollektiv əməkdaşlıq, həmrəylik və
yekdillik yolu həmçinin rəhmət dini olan İslam dini barəsində düzgün baxış
əsasında zorakılıq və ifratçılıq olmayan bir dünyanın quruculuğunda iştirak
etməyə dəvət edib.
İran prezidenti İslam ölkələri başçılarına
xitabən deyib: İslam tarixinin hazırkı həssas dönəmində İslam dini barəsində
yanlış və zorakı bir simanın təqdim edilməsi bizim tarixi irsimizi,
sivilizasiya keçmişimizi və dinc yanaşı yaşam prinsipimizi təhdid edir. Buna
görə də əl-ələ verərək, rəhmət, sülh və dostluq dini olan İslam dinini dünya
xalqlarına olduğu kimi göstərək. "Ümid edirəm mübarək ayda, Allah
tala ilə mənəvi ünsiyyətdən və Quran Kərimin təlimlərindən faydalanaraq, ilahi
ziyafət ayında müsəlmanlar arasında daha artıq birlik və həmrəyliyin şahidi olacayıq". (maide.az)