Şükür etmək ruhiyəsi çətinlikləri aradan qaldırır
"İQNA", xəbər verir ki, müəllif və dini tədqiqatçı höccətül-islam vəl-müslimin Məhəmməd Əli Xosrəvi “Quranda tövhid”in 9-cu mühazirəsində insanlarda şükür etmək ruhiyyəsinə işarə edib. Onun mətnini aşağıda oxuya bilərsiniz.
“Allaha yaxınlaşmaq və əbədi səadətə nail olmaq üçün təsirli ola biləcək mövzulardan biri də insanlarda şükür etmək ruhiyyəsidir. İnsanlarda olan bu şükür etmək xüsusiyyətinin (əlbəttə ki, bəzi heyvanlarda da müəyyən dərəcədə var) çoxlu təsirləri var. Həyata keçirilsə, insanlarda bir çox problemlərin kökünü aradan qaldıracaq və bir çox fəzilətlərə zəmin yaradacaq.
Şeytanın hekayəsində səcdə etməmək və qovulmaq haqqında Quranda iki yerdə iki mühüm məqam var. Biri odur ki, o deyir: “(İblis) dedi Sənin izzətinə-qüdrətinə and olsun ki, onların (Adəm övladının) hamısını (haqq yoldan) azdıracağam” (Sad. 82). “Yalnız Sənin ixlası bəndələrindən başqa!” (səh. 83). Çünki bu insanlar ilahiləşiblər və şeytanın gücü Allaha çatmır. Başqa yerdə buyurur: “Mən onları azdırdım və belə də edirəm və onların çoxu şükür etmir. Onların çoxu şükür etmirdilər” (Əraf, 17). Bu iki ayədən və ixlasla şükür etməyin əlaqəsindən aydın olur ki, ixlaslıların (ixlas dərəcəsinə çatanların) ən mühüm xüsusiyyəti “şükür” etməkdir.
İxlas insanın Allah üçün pak olması və Ondan başqa heç nə görməməsi, həqiqi şükür edən isə Allahın nemətlərini hər yerdə görüb şükür edən və bir an belə şükür etməyi unutmayan insandır. Bu surətdə o həm ixlaslı həm də şükür edəndir. Əgər özümüzdə, ailəmizdə, övladlarımızda, başqalarına qarşı şükür etmək ruhiyyəsini yaşatsaq və bu şükür ya Allaha, ya da bizi sevən insanlaradırsa, bu məsələ (xüsusən də Allaha şükür) insan kamilliyinin inkişafında son dərəcə əhəmiyyətlidir.
Bu meydanın qəhrəmanı İmam Səccad (ə) buyurmuşdur: “Ya Rəbbim, mən Sənə şükür etməkdən acizəm, çünki etdiyim hər şükür, bir uğurdur ki, onun üçün də şükür etməliyik”.
Ümidvarıq ki, Allahın şükür edən bəndələrindən olacayıq inşallah. 3968676
