"Hərbi müdaxilə və müqavimətə kömək etmək şərii vəzifədir"
"İQNA", "Əl-Əxbar"-a istinadən xəbər verir ki, Dünya Müsəlman Alimləri Birliyi ərəb və müsəlman ölkələrini İsrailin 25 gündür mühasirədə və intensiv hücumlar altında saxladığı Qəzzə zolağı xalqını soyqırımdan xilas etməyə çağırıb.
Dünya Müsəlman Alimləri Birliyinin İctihad və Fətva Komitəsi "Müsəlman Ölkələri Hökumətlərinin Qəzza Müharibəsi barədə öhdəlikləri ilə bağlı fətvaları" adlı bəyanat yayıb.
Bəyanatda deyilir: "Hökumətlər və rəsmi ordular Qəzzəni soyqırımdan və hərtərəfli məhvdən xilas etmək üçün dərhal müdaxilə etməlidir. Bu hərəkət Fələstinin dini, siyasi, hüquqi və mənəvi müdafiəsi vəzifəsinə tam sadiqlik göstərir. Həmçinin beynəlxalq müqavilələrə, regionun və ölkənin strateji maraqlarına uyğun olacaq".
Yuxarıdakı bəyanatda Fələstinə qonşu olan Misir, İordaniya, Suriya və Livan başda olmaqla bütün ərəb və müsəlman ölkələrinə işarə edilərək vurğulanır: “Fələstin hökumətinə və müqavimət qruplarının hərbi müdaxilə və hərbi texnika ilə təmin olunması şərii vəzifədir. "
Bu bəyanatda Qərbin İsrailə hərtərəfli hərbi, maliyyə və media dəstəyinə, eləcə də diplomatik yardımına toxunaraq, ərəb və müsəlman ölkələrindən Fələstinə də oxşar dəstək və həmrəylik göstərmələri istənilib.
4179158
