Yəhudi işğalçılar Qəzzaya gedən yardımın qarşısını kəsərək onları yola töküblər

İQNA – İşğal altındakı İordan çayının qərb sahilindəki mülki yəhudi işğalçılar, İsrailin aylardır davam edən bombardmanları ilə yanaşı, aclıqla da mübarizə aparan Qəzza zolağına gedən yardım maşınlarını dayandırıb və ləvazimatları yola töküblər.

TRT xəbər agentliyinin verdiyi məlumata görə, İsrail qüvvələrinin Rəfah Sərhəd Qapısını zəbt etməsi və bağlaması səbəbindən Qəzzaya daxil olan yardım maşınlarının sayında ciddi azalma olduğu bildirilir.

Fələstinlilər bombardman altında olan Qəzzada aclıqla mübarizə apararkən, israillilər bölgəyə gedən yardım maşınlarının qarşısını almağa davam edir.

Yerli mənbələrin məlumatına görə, qeyri-qanuni yəhudi gəlmələr işğal altındakı İordan çayının qərb sahilində Qəzzaya gedən yardım maşınlarını dayandırıb.

Yəhudi gəlmələr yük maşınlarını dayandıraraq Qəzzaya getməyi planlaşdırdıqları yardımı yola töküblər.

Qəzzaya humanitar yardım aparan karvanlar tez-tez israilli ekstremistlər və qeyri-qanuni yəhudi gəlmələrin hədəfinə çevrilir.