Ən böyük Əhli-beyt (ə) Quran ensiklopediyası Kərbəlada təqdim olundu

İQNA - İmam Hüseynin (ə) Kərbəlada keçirilən 6-cı Beynəlxalq İllik Konfransı çərçivəsində İslam tarixində ən böyük Quran ensiklopediyası olan "Əhlibeyt (ə) Quran Ensiklopediyası" təqdim olunub.

İmam Hüseyn (ə) hərəminin Darul-Quran şöbəsinin elmi köməkçisi Mürtəza Şəhristani bu beynəlxalq konfransın mərasimi ilə əlaqədar çıxışında deyib: "Bu Quran ensiklopediyasında Qurani-Kərimin təfsiri ilə bağlı elmlər arasında 60 cild və 35 mətn var".

Darul-Quran şöbəsinin elmi işçisi “Bu layihə ilahiyyat fakültəsinin tələbələri və Kərbəla və Babil universitetlərinin ekspert müəllimləri tərəfindən 10 illik davamlı iş, araşdırmasından sonra tamamlandı” dedi.

Şəhristani, həmçinin “Əhlibeyt (ə) Quran Ensiklopediyası” adlı bu ensiklopediyanın ən böyük Quran ensiklopediyası olduğunu vurğuladı və qeyd etdi ki, bu elmi-bədii əsər, Ali Dini Mərcəiyyət nümayəndəsi və İmam Hüseynin (ə) hərəminin rəhbərliyi Şeyx Əbdül-Mehdi Kərbəlayinin böyük dəstəyi ilə İmam Hüseynin (ə) hərəminin qəlbindən yaranmış yerli İraq məhsuludur.

Mərasimdə çıxış edən Müqəddəs İmam Hüseyn (ə) ziyarətgahının Darul-Quranil-Kərim şöbəsinin müdiri Höccətül-İslam və Müslimin Xeyrəddin bu konfransın məqsədlərinə toxunaraq, bu beynəlxalq konfransın digər görüşlər kimi sıradan bir hadisə olmadığını, əksinə, daha çox əqli və elmi yolları düzəldə biləcək nəhəng ələvi əsərlərini ortaya çıxarmaq məqsədi daşıdığını vurğulayıb.

4264435