Nyu York Universitetinin tələbələri Fələstinə dəstək aksiyası keçiriblər
"İQNA", "Ərəbi 21" saytına istinadən xəbər verir ki, ABŞ-ın Nyu-York şəhərindəki Kolumbiya Universitetinin tələbələri İsrailin keçmiş baş naziri Naftali Bennetin universitetə səfərini pisləmək üçün geniş etiraz aksiyaları keçiriblər.
Bununla əlaqədar olaraq Fələstin tərəfdarı olan yüzlərlə tələbə şəhərciyə toplaşaraq bu səfərə qarşı nümayiş keçirib. Nümayişçilər İsrailin Qəzza zolağına qarşı son qəddar təcavüzünü nəzərə alaraq Bennetti hərbi cinayətkar adlandırıblar.
Onlar həmçinin Fələstinə dəstək və İsrail işğalına qarşı “Çaydan dənizə... Fələstin azad olacaq”, “Əlləriniz qanlıdır”, “Naftalı uşaq qatilidir” şüarları səsləndiriblər.
Etirazlar ABŞ prezidenti Donald Trampın özünün “qanunsuz etiraz aksiyaları” kimi qiymətləndirdiyi aksiyaların təşkilinə icazə verən təhsil müəssisələri üçün federal maliyyəni kəsməklə hədələdiyi vaxta təsadüf edib.
Trampın bu addımı Fələstin xalqına dəstək üçün keçən il şəhərciklərdə kütləvi nümayişlər keçirən tələbələri hədəf alır.
Tramp özünün “Truth Social” sosial şəbəkəsindəki paylaşımında deyib: “Qeyri-qanuni etirazlara icazə verən hər hansı kollec, məktəb və ya universitet üçün bütün federal maliyyə dayandırılacaq”.
ABŞ prezidenti əlavə edib: “Bu cür etirazların təhrikçiləri həbs edilir və ya mənşə ölkələrinə daimi deportasiya edilir, amerikalı tələbələr isə cinayətin xarakterindən asılı olaraq deportasiya və ya həbslə üzləşirlər.”
Bununla əlaqədar olaraq, ABŞ Təhsil Naziri Linda MakMahon təsdiqləyib ki, Tramp administrasiyası hazırda Nyu-Yorkdakı Kolumbiya Universitetinə federal maliyyəni dayandırmağı düşünür.
4270113
