UNRWA Qəzzada ərzaq böhranı ilə bağlı xəbərdarlıq etdi
“İQNA”-nın “Rossiya Əl-Yəvm”a istinadən verdiyi məlumata görə, BMT-nin Fələstinli Qaçqınlara Yardım və İşlər üzrə Agentliyi (UNRWA) çərşənbə axşamı Qəzza zolağında bir milyondan çox insanın ərzaq səbətləri olmadan qalacağı ilə bağlı xəbərdarlıq edib.
UNRWA, Qəzzaya yardıma icazə verilmədiyi təqdirdə bir milyondan çox insanın qidasız qalma riski ilə üzləşdiyini açıqladı.
UNRWA, davam edən mühasirə səbəbiylə humanitar böhranın şiddətləndiyinə işarə edərək, bu mühasirəyə son qoyulmasının vacibliyini vurğuladı.
UNRWA daha əvvəl bir neçə gün ərzində Qəzzada 124 min insanın didərgin düşdüyünü açıqlamışdı.
Qırmızı Xaç təcili yardımın çatdırılmasına çağırıb.
Beynəlxalq Qızıl Xaç Komitəsinin Qəzzadakı sözçüsü təşkilatın ofislərindən birinin artilleriya atəşi ilə hədəfə alındığını açıqlayıb.
O vurğulayıb ki, müharibənin yenidən başlaması və Kərm Əbu Səlim keçidinin bağlanması ilə Qəzza zolağında humanitar vəziyyət daha da pisləşib və bu bölgə xalqı həyati resursların ciddi çatışmazlığı ilə üzləşib.
Qırmızı Xaç, yardım və tibbi qruplara davamlı hücumların vəziyyəti daha da pisləşdirəcəyi və insanların ölüm sayının artacağı barədə xəbərdarlıq edib.
Bu beynəlxalq təşkilatın sözçüsü bəyan edib ki, atəşkəs dövründə daxil olan yardımların miqdarı heç bir şəkildə Qəzza əhalisinin ehtiyaclarını ödəmir və regionda humanitar böhran hər gün dərinləşir.
Qırmızı Xaç daha böyük fəlakətin qarşısını almaq üçün humanitar yardımın Qəzza zolağına daxil olmasına icazə vermək üçün beynəlxalq ictimaiyyəti daha çox təzyiq göstərməyə çağırıb.
4273663
