Ənsarullah: Qurana hörmətsizlik İslama açıq təcavüzdür
“Əl-Məsirə” kanalının məlumatına görə, Ənsarullahın siyasi bürosunun bəyanatında vurğulanır ki, Qurani-Kərimə təhqir cinayəti ABŞ hökumətinin birbaşa dəstəyi və təşviqi ilə baş verib; tamamilə sionizmin xidmətində olan və onun əmrləri əsasında hərəkət edən bir hökumətin.
Ənsarullah əlavə edib: “ABŞ və Qərb, yəhudi əleyhdarlığı adlandırdıqları hər şeyi ən sərt şəkildə cinayət hesab etdikləri halda, islamofobiya və müsəlmanların müqəddəslərinə qarşı təhqirlərə heç bir reaksiya göstərmirlər. Bu isə Qərbin azadlıq və insan haqları ilə bağlı iddialarının yalandan başqa bir şey olmadığını sübut edir.
Ənsarullahın siyasi bürosu vurğulayıb ki, ABŞ və Qərb liderləri, bu təhqirlə eyni vaxtda Qəzzada uşaqlara və qadınlara qarşı sionist rejimin törətdiyi soyqırım cinayətlərini dəstəkləyir və bu qətliamları pisləməyə yönələn hər bir dinc addımı boğur.
Bəyanatda ABŞ və Qərb ölkələri, ilahi təlimlərə və bəşəriyyət üçün nur, hidayət və rəhmət olan Qurani-Kərimə düşmənçilikdən əl çəkməyə çağırılıb. Həmçinin İslam ümmətindən tələb olunub ki, belə təhlükəli cinayətlər və müqəddəslərə qarşı təcavüzlərə qarşı ciddi və məsuliyyətli mövqe ortaya qoysunlar.
Ənsarullah hərəkatı sonda xəbərdarlıq edib ki, Qərb ölkələrində bu cür təhqirlərin təkrarlanması, İslam ümmətinin öz dini və müqəddəslərini müdafiə etməkdəki zəifliyi və səhlənkarlığının birbaşa nəticəsidir.
Qeyd edək ki, bu bəyanat ABŞ Konqresinə seçkilərdə iştirak edən Texas ştatından respublikaçı namizəd Valentina Qomezin nifrət dolu bir addım olaraq sosial şəbəkə “X”də Quranı yandırdığı videonu paylaşmasından sonra yayımlanıb.
Bu radikal sağçı amerikalı siyasətçinin addımı siyasi liderlər, dini qruplar və sosial şəbəkə istifadəçiləri tərəfindən kəskin şəkildə pislənib və 2026-cı il ABŞ Konqresinin aralıq seçkiləri ərəfəsində nifrət və dini ayrı-seçkiliyin artması ilə bağlı narahatlıqları gücləndirib.
4302052
