Malayziya və Türkiyənin İsrailin BMT üzvlüyünün dayandırılması tələbi
“İQNA”-nın Fələstin İnformasiya Mərkəzinə istinadla verdiyi xəbərə görə, Malayziyanın xarici işlər naziri “Məhəmməd Həsən” bir mətbuat konfransında bildirib ki, ölkəsi ötən il bu məsələni BMT Baş Məclisində gündəmə gətirib və qarşıdakı iclasda da yenidən izləyəcək.
O vurğulayıb: “Artıq İsrailin BMT üzvlüyünün dayandırılmasının vaxtı çatıb və bütün ölkələr ona qarşı sanksiyalar tətbiq etməlidirlər.” Məhəmməd Həsənin sözlərinə görə, sanksiyaların tətbiqi sionist rejiminə silah göndərilməsini dayandıra və ya məhdudlaşdıra bilər.
Malayziyanın xarici işlər naziri həmçinin xatırladıb ki, beynəlxalq ictimaiyyətin böyük bir hissəsi açıq şəkildə sionist rejimin Qəzza zolağını işğal və dağıtmaq planının qarşısını almağı tələb edir.
Türkiyənin mövqeyi
Türkiyə parlamenti yaydığı bəyanatda sionist rejimin BMT və bütün beynəlxalq təşkilatlardakı üzvlüyünün bu rejimin Qəzza zolağındakı cinayətlərini dayandırana qədər dayandırılmasını tələb edib.
“Anadolu” Agentliyi xəbər verib ki, parlamentin bəyanatında İsrailin BMT və bütün beynəlxalq təşkilatlardakı üzvlüyünün, Tel-Əvivin Qəzzadakı soyqırım siyasəti ləğv olunana qədər, dayandırılması istənilib.
Hesabata görə, Türkiyə Böyük Millət Məclisinin rəhbərliyi bütün dünya parlamentlərinə müraciət edərək İsraillə hərbi və ticarət əlaqələrinə son qoymağa və Fələstinin mühasirəsini qırmaq üçün addım atmağa çağırıb.
Türkiyənin xarici işlər naziri Hakan Fidan isə bəyanatında bildirib: “İsrail Qəzza zolağında fələstinlilərə qarşı kütləvi cinayət törədir.”
Fidan əlavə edib ki, Təl-Əviviin Qəzzanın bütün ərazilərini işğal etmək planı davam edir və İsrail ABŞ-ın məhdudiyyətsiz dəstəyi ilə iki dövlətli həll yolunu məhv etmək istəyir.
O vurğulayıb: “Biz İsraillə iqtisadi və ticarət əlaqələrimizi tamamilə kəsmək və hava məkanımızı onun təyyarələrinə bağlamaq qərarı verdik.”
4302322
