İslam Respublikası Qərbin qadınla bağlı məntiqini puç etdi
“İQNA”-nın məlumatına görə, Böyük Rəhbərin Ofisinin rəsmi saytından yayılan xəbərdə bildirilir ki, Həzrət Ayətullahul-uzma Xamenei, çərşənbə günü – 3 dekabr tarixində ölkənin müxtəlif bölgələrindən minlərlə qadın və qızla görüşündə Həzrət Fatimeyi-Zəhranı (s) bütün sahələrdə ən yüksək xüsusiyyətlərlə bəzənmiş ərşi bir insan kimi təqdim edib. O, İslamın qadının evdə və cəmiyyətdəki məqamı və hüquqlarına baxışını izah edərək, kişilərin həyat yoldaşları və qadınlarla müxtəlif sahələrdə davranışlarında nələri etməli və nələri etməməli olduqlarını açıqlayıb.
Rəhbər xanımların məqamına işarə edərək, iki aləmin xanımının sonsuz fəzilətlərini sadalayıb: “İbadət və xüşu, xalq üçün fədakarlıq, çətinliklər və müsibətlərdə dözümlülük, məzlumun haqqını cəsarətlə müdafiə etmək, maarifləndirmə və həqiqətləri bəyan etmək, siyasi anlayış və fəaliyyət, evdarlıq, həyat yoldaşlığı və övlad tərbiyəsi, İslamın ilk dövründə mühüm hadisələrdə iştirakı” və digər sahələr”. O deyib: “İranlı qadın, şükür Allaha, Peyğəmbərin (s) buyurduğu kimi, bütün zamanların qadınlarının xanımı olan bu günəşdən örnək götürür və onun hədəfləri istiqamətində hərəkət edir”.
O, İslamda qadının məqamını çox yüksək və uca adlandıraraq əlavə edib: “Quranda qadının kimliyi və şəxsiyyəti barədə işlədilən ifadələr ən ali və ən tərəqqipərvər ifadələrdir”.
Rəhbər Qurani-Kərimin ayələrinə işarə edərək, “qadın və kişinin bəşərin həyatında və tarixində bərabər rolu, qadın və kişinin mənəvi kamilliklərə və ən yüksək məqamlara çatmaqda bərabər imkanları” barədə buyurub: “Bütün bu məqamlar dini qəbul edən, lakin dini tanımayanların və ümumiyyətlə dini qəbul etməyənlərin yanlış anlayışları ilə ziddiyyət təşkil edir”.
Ali Rəhbər Quranda qadının cəmiyyətdəki hüquqları ilə bağlı məntiqi izah edərək vurğuladı: “İslamda ictimai fəaliyyətlərdə, biznesdə, siyasi fəaliyyətdə, hökumətin əksər vəzifələrinə çatmaqda və digər sahələrdə qadın kişi ilə bərabər hüquqlara malikdir. Mənəvi sülukda, fərdi və ictimai səylərdə qadının inkişaf yolları açıqdır”.
Həzrət Ayətullah Xamenei Qərbin və kapitalizmin puç olmuş mədəniyyətinə işarə edərək əlavə etdi: “İslamda qadının məqamını qorumaq və çox güclü, təhlükəli cinsi istəkləri cilovlamaq üçün “qadınla kişinin münasibəti, qadın və kişinin örtünməsi, qadının hicabı və evliliyə təşviq” mövzusunda müəyyən məhdudiyyətlər və hökmlər mövcuddur. Bunlar qadının təbiəti, cəmiyyətin həqiqi ehtiyacları və mənafeyi ilə tam uyğun gəlir. Halbuki Qərb mədəniyyətində sonsuz və dağıdıcı cinsi meyllərin cilovlanması heç bir şəkildə nəzərə alınmır”.
İnqilab Rəhbəri qadın və kişini İslamda çoxlu ortaq cəhətləri olan, lakin bədən və təbiətdən qaynaqlanan bəzi fərqlərə malik iki müvazinətli ünsür kimi tanıdı və dedi: “Bu “iki tamamlayıcı ünsür” bəşər cəmiyyətinin idarəsində, insan nəslinin davamında, sivilizasiyanın inkişafında, cəmiyyətin ehtiyaclarının təminində və həyatın idarəsində rol oynayırlar”.
O, bu həyati rolun gedişində ailə qurulmasını ən mühüm işlərdən biri hesab edərək əlavə etdi: “Qərbin yanlış mədəniyyətində ailə institutunun unudulmasının əksinə olaraq, İslamda “qadın, kişi və övladlar” ailəni formalaşdıran ünsürlər kimi qarşılıqlı və müəyyən hüquqlara malikdirlər”.
Rəhbər çıxışının qadın hüquqlarına həsr olunmuş hissəsində “ictimai və ailəvi davranışda ədaləti” qadınların ilk haqqı kimi qeyd etdi və dövlətin və bütün cəmiyyətin bu haqqı təmin etmək vəzifəsinə vurğu edərək dedi: “Təhlükəsizliyin, hörmətin və kəramətin qorunması” da qadınların əsas hüquqlarındandır. Qərb kapitalizmi qadının kəramətini tapdaladığı halda, İslam qadına tam hörmət göstərilməsini vacib sayır”.
O, Peyğəmbər Əkrəmin (s) qadını “ev işlərini görən məmur” deyil, “çiçək” kimi tanıdan bir rəvayətinə işarə edərək əlavə etdi: “Bu baxışda qadına danlaq və sərt sözlərdən çəkinərək, onu çiçək kimi qorumaq və himayə etmək lazımdır ki, o da evə öz rəngi və ətri ilə ruh versin.
Ayətullah Xamenei, Quranın iki mömin qadın - Məryəm və Fironun həyat yoldaşı Asiəni nümunə göstərməsini, bütün mömin kişi və qadınlar üçün bir ölçü və qadının fikir və əməlinin əhəmiyyətini göstərən bir göstərici adlandırdı və dedi: “Qadının sosial hüquqları, məsələn, eyni işdə kişilərlə bərabər əmək haqqı, işləyən və ya ailə başçısı olan qadınların sığortalanması, qadınlar üçün xüsusi məzuniyyətlər və onlarla digər məsələlər, ayrı-seçkilik olmadan təmin edilməli və qorunmalıdır”.
O, evdə qadının ən vacib hüquq və ehtiyacını "həyat yoldaşının sevgisi" olaraq qiymətləndirdi və kişiləri öz həyat yoldaşlarına sevgi və məhəbbət göstərməyə çağıran bir hədisi sitat gətirərək əlavə etdi: “Evdə qadının digər mühüm və böyük hüququ, "ona qarşı hər cür zorakılığın rədd edilməsi" və qərbdə yayılmış, qadınların kişilər və həyat yoldaşları tərəfindən öldürülməsi və ya döyülməsi kimi bütün azğınlıqlardan tamamilə çəkinməkdir”.
İnqilab Rəhbəri, "qadına ev işlərinin yüklənməsindən çəkinməyi", "ər öz həyat yoldaşına uşaq dünyaya gətirmənin ağırlıqlarının öhdəsindən gəlməkdə kömək etməsi"ni və "qadının elmi və peşəkar tərəqqi və irəliləməsinin qarşısının açıq olması"nı qadınların digər hüquqları olaraq sıraladı və qadının evin idarəçisi və rəisi olduğunu vurğulayaraq dedi: “Gəlirləri kifayət etməyən və sabit olan ərlərinə və bahalı mallara baxmayaraq, evi məharətlə idarə edən qadınların qiyməti bilinməlidir”.
O, kapitalizmin və İslamın qadına baxışının qarşıdurmasını izah edərək dedi: “İslamda qadının müstəqilliyi, qabiliyyəti, şəxsiyyəti və tərəqqi imkanı var, lakin kapitalist baxış, qadının şəxsiyyətinin kişidə tabe edilməsi və udulması və qadının şərəf və hörmətinin gözlənilməməsidir və qadını maddi bir vasitə və şəhvət və əyləncə aləti hesab edir ki, bu günlər Amerikada çox səs-küy salan mafia dəstələri də bu cür baxışın nəticəsidir”.
Ayətullah Xamenei, "ailə təməlinin dağıdılması" və atas; bilinməyən uşaqlar, ailə əlaqələrinin azalması, gənc qızları ovlayan dəstələr və azadlıq adı altında getdikcə yayılan cinsi azğınlıq kimi ziyanların yaranmasını, son bir-iki əsrdə kapitalist mədəniyyətin böyük günahlarından saydı və dedi: “Qərb kapitalizmi hiyləgərliklə, bu qədər böyük miqdarda qanun pozuntusuna "azadlıq" adı qoyur və onu yaymaq üçün hətta bizim ölkəmizdə də bu addan istifadə edirlər, halbuki bu azadlıq deyil, əsarətdir”.
O, Qərbin öz səhv mədəniyyətini dünyaya ixrac etməkdə israrlı olmasına istinad edərək əlavə etdi: “Onlar iddia edirlər ki, qadın üçün müəyyən edilmiş məhdudiyyətlər, o cümlədən hicab, onun tərəqqisinə mane olacaq, lakin İslam Respublikası bu səhv məntiqi etibarsız elan etdi və göstərdi ki, müsəlman qadın və islami geyim qaydalarına riayət edən qadın, bütün sahələrdə başqalarından daha çox irəliləyə gedə və rol oynaya bilər”.
İnqilab Rəhbəri, elmi, idman, fikri, tədqiqat, siyasi, sosial, səhiyyə və tibbi, yaşama ümidi sahələrindəki irəliləyişləri və cihad dəstəklərini və şanlı şəhidlərin həyat yoldaşlarının arxa plan dəstəyini, İran tarixində qadınların əvvəllər görünməmiş nailiyyətləri adlandırdı və dedi: “İran öz tarixində heç vaxt bu qədər alim, müfəkkir və fikir sahibi qadınların yüzdə birinə belə sahib olmayıb və İslam Respublikası idi ki, bütün mühüm sahələrdə qadınların yüksəlməsinə və irəliləməsinə səbəb oldu”.
O, mühüm bir tövsiyəsində, kütləvi informasiya vasitələrini qərb kapitalizminin qadın haqqında səhv təfəkkürünü təbliğ etməkdən çəkindirdi və əlavə etdi: “Hicab və qadın geyimi və qadın-kişi əməkdaşlığı barədə müzakirə olunduqda, ölkə daxilindəki kütləvi informasiya vasitələri qərblilərin sözlərini təkrarlamamalı və onları vurğulamamalıdır, əksinə İslamın dərin və effektiv baxışı daxildə və beynəlxalq məclislərdə irəli sürülməli və böyüdülməlidir ki, bu da İslamın təbliğinin ən yaxşı yoludur və dünyanın bir çox insanlarını, xüsusən də qadınları ona cəlb edəcəkdir.
İnqilab Rəhbərinin çıxışından əvvəl, "Şəhid Sərkərdə Qulaməli Rəşidin həyat yoldaşı və Şəhid Əmin Abbas Rəşidin anası" və həmçinin Şəhid Sərkərdə Hüseyn Səlaminin qızı, qadınlar, onların məsuliyyətləri və ehtiyacları barədə məlumat verdilər.
4320697
