Əl-Mənar kanalının aparıcısının sionist rejiminin hücumunda şəhid olması
“İQNA”, “Əl-Ğədd” kanalına istinadən xəbər verir ki, Livan Hizbullahı bildirdi ki, sionist rejiminin Cənubi Livana hücumu nəticəsində Əl-Mənar televiziyasının aparıcısı Əli Nurəddin şəhid olub.
Hizbullah bildirib ki, bu hücum müharibə cinayəti xarakteri daşıyır və düşmən İsrailin jurnalistlərə, mülki şəxslərə və bütün bəşəriyyətə qarşı vəhşicəsinə cinayətlərlə dolu dosyesinə əlavə olunur.
Hizbullah əlavə edib ki, onun terror aktı nəticəsində öldürülməsi, düşmənin sistemli terror siyasəti çərçivəsində bütün formaları ilə media orqanlarına qarşı təcavüzünün davam etmə riskinin göstəricisidir.
Sionist rejiminin ordusu Hizbullahın bəyanatına reaksiya olaraq iddia edib ki, Əli Nurəddin bu hərəkatın üzvlərindən biri olub və Cənubi Livanda artilleriya qabiliyyətlərinin bərpası sahəsində fəaliyyət göstərib.
4330684
