Müqavimət Alimləri Dünya Birliyinin bəyanatı: İrana qarşı cinayətlərə susmaq, düşmənlə əməkdaşlıqdır

İQNA – Müqavimət Alimləri Dünya Birliyi İranı dəstəklədiyini bildirərək vurğulayıb ki, artıq açıq və qəti mövqe ortaya qoymağın vaxtıdır. Bəyanatda deyilir: “Bu cinayət qarşısında susan hər kəs onun şərikidir.”

“İQNA”, “Əl-Məyadin”ə istinadən xəbər verir ki, Birlik açıqlamasında bildirib: “Biz İran İslam Respublikasının qanuni rəhbərliyinə tam və qeyd‑şərtsiz dəstəyimizi elan edirik.”

Bəyanatda həmçinin qeyd olunur: “Biz bu böyük sınaqda İran xalqını və onların qəbul etdiyi bütün müdafiə qərarlarını tam şəkildə dəstəkləyirik.”

Birlik vurğulayıb ki, bütün müqavimət cəbhələri bir-biri ilə bağlıdır və coğrafi fərqlərə baxmayaraq, hamısı vahid və birləşmiş bir cəbhədir. Alimlərə müraciətlə deyilir: “Açıq və qəti mövqe göstərməyin vaxtı çatıb. Bu cinayət qarşısında susan hər kəs ona ortaqdır.”

Müqavimət Alimləri Dünya Birliyi əlavə edib ki, “İran bu gün bombardman edilir, çünki o, başqalarının tərk etdiyi bir xalqın yanında dayandı.” Bəyanatda vurğulanır ki, zülmə məruz qalan xalqın yanında durmaq bir vəzifə, bir öhdəlik və sədaqət məsələsidir.

4338571