İranın şəhid lideri fədakarlığın ən saf mənalarını təcəssüm etdirdi
“İQNA”-nın məlumatına görə, HƏMAS hərəkatı bu mesajında Ali Rəhbərə təbriklərini çatdıraraq, ABŞ–sionist təcavüzünü pisləyib və düşmənlərin İran İslam Respublikasının möhkəm sisteminə zərər vurmaq planlarının uğur qazanmayacağını vurğulayıb. Mesajda qeyd olunur ki, bu sistem İslam düşmənləri üzərində qələbəni “üçüncü inqilab liderinin” hikməti və qüdrəti sayəsində əldə edəcək.
Mesajın davamında belə deyilir:
“İranın şəhid lideri ümmətin ən böyük döyüşlərindən birində fədakarlığın, ixlasın və cihadın ən saf mənalarını təcəssüm etdirdi və şəhidlərin pak qanı bölgədəki şeytan yuvasının təməllərini sarsıdır. Müqavimət qüvvələri bu murdar rejim məhv edilənə və Qüds və Fələstin azad olunana qədər mübarizədən əl çəkməyəcəklər.”
HƏMAS-ın mesajının tam mətni
Bismillahir-Rahmənir-Rahim
Həzrət Ayətullah Seyid Müctəba Hüseyni Xamenei, İran İslam Respublikasının Ali Rəhbəri,
Öz adımdan və İslam Müqavimət Hərəkatı (HƏMAS) adından Sizi İran İslam Respublikasının rəhbəri seçilməyiniz münasibətilə, həmçinin sionist rejimin zalım hücumu nəticəsində şəhid olan Seyid Əli Xameneinin varisi olmağınız münasibətilə ən səmimi və ən isti təbriklərimizi çatdırırıq.
Biz sionist–amerikan vəhşi təcavüzünü pisləyir və İran İslam Respublikasının çox mürəkkəb təhlükəsizlik şəraitinə baxmayaraq, vilayəti-fəqihin Sizin öhdənizə mədəni və cihadçı bir şəkildə keçirilməsini yüksək qiymətləndiririk. Bu hadisə İran İslam Respublikasının sabitliyinin və möhkəmliyinin göstəricisidir və düşmənlərin bu sistemi zəiflətmək planlarının uğursuzluğuna bir daha dəlalət edir.
Biz Sizin bu həssas dövrdə inqilabın və İran İslam Respublikasının sükanını hikmətlə idarə edəcəyinizə, İslam inqilabının yolunu qoruyacağınıza və İslam və müsəlmanların düşmənləri üzərində qələbə əldə edəcəyinizə inanırıq. Əminik ki, Siz Fələstin xalqını, onun haqlı mübarizəsini və şücaətli müqavimətini bütün formaları ilə dəstəkləməyə davam edəcəksiniz. İran İslam Respublikası da son onilliklər ərzində daim belə etmişdir. Biz vurğulayırıq ki, xalqımız və müqavimətimiz Allahın izni ilə qələbə çatanadək öz əhdinə sadiq qalacaq.
Sizə təbriklərimizi çatdırmaqla yanaşı, HƏMAS hərəkatının Ayətullahül-uzma Seyid Əli Xameneinin, ailənizin bir neçə üzvünün, eləcə də İran xalqının bir qrup komandan və şəhidlərinin şəhadəti münasibətilə ən səmimi başsağlığını qəbul etməyinizi xahiş edirik. Şübhəsiz ki, İranın şəhid lideri ümmətin ən böyük döyüşlərindən birində fədakarlığın, ixlasın və cihadın ən saf mənalarını təcəssüm etdirdi.
Fədakarlıq yolunda canlarını fəda edən, “Tufanül-Əqsa” liderlərinin ümmətin izzəti, gələcəyi və övladlarının haqqı uğrunda təqdim etdikləri pak canlar və mübarək qanlar cinayətkar qatilləri cəzalandıracaq və bölgədəki şeytan yuvasının təməllərini sarsıdacaq. Uca Allahın bu kəlamına istinad edirik:
“Allahın izni ilə neçə-neçə az saylı dəstə çox saylı dəstəyə qalib gəlmişdir. Allah səbr edənlərlədir.”
Biz bu murdar rejim məhv edilənə, Qüds və Fələstin azad olunana və sionist–amerikan hegemonluğunun bütün planları puça çıxarılana, şər imperiyası devrilənə qədər dayanmayacağıq – Allah-Taalanın izni ilə.
Allahdan Sizin üçün uğur, möhkəmlik və xeyirli qələbələr diləyirik.
Vəssəlamu aleykum və rəhmətullahi və bərakətuhu
Məhəmməd Dərviş, HƏMAS Rəhbərlik Şurasının sədri
4340759
