Quranı uşaqlıqda əzbərləməkdən, Kəbədə Qiraət edənədək: Şeyx Təblavinin Quran Yolu
“İQNA”-nın “Sədyul-Bələd”-ə istinadən verdiyi xəbərə görə, altı il əvvəl Misirin görkəmli qarilərindən, Qarilər və Hafizlər Birliyinin sədri Şeyx Məhəmməd Mahmud Təblavi 5 may 2020-ci ildə 86 yaşında bir neçə onillik Quran yolundakı xidmətindən sonra haqqa qovuşdu.
Şeyx Təblavi Misirdə "Nəqibul-qürra" (Qarilər rəisi) ləqəbi ilə tanınan üslub sahibi qarilərdən idi və bu sahədə altmış ildən çox fəaliyyət göstərmişdi.
O, 14 noyabr 1934-cü ildə Cizə əyalətinin Mit Əqəbə məhəlləsində anadan olub. Təblavi 9 yaşında tam Quranı əzbərlədi və qiraətindəki məharət geniş yayıldı. Bu məşhur Misir qarisi 12 yaşında böyük şəxslərin, rəsmilərin, tanınmış simaların və məşhur ailələrin radiosunun məşhur qariləri yanında tədbirlərinə dəvət edilirdi və 15 yaşına çatmamış onlar arasında yüksək mövqe qazandı; beləcə, babasının atasına verdiyi – nəvəsinin hafiz və qari olacağı – müjdəsi gerçəkləşdi.
Təblavi beynəlxalq Quran əzbərləmə yarışlarında hakimlik sahəsində fəal idi və dünyanın bir çox yarışlarında hakimlik etdi. Qurani-Kərimə xidmətindəki səylərinə görə Livan rəsmiləri tərəfindən ona mükafat təqdim edilib.
Şeyx Təblavinin oğlu "Sədyul-Bələd"ə verdiyi eksklüziv müsahibədə dedi ki, onun qiraət dünyasındakı yolu 8 yaşında məktəbində keçirilən Analar Günü mərasimi ilə başlayıb. Bu mərasimdə o, Loğman surəsindən ayələr oxuyub.
O, qeyd edib ki, atası ilə ilk səfəri 2006-cı ildə Cənubi Afrikaya olub və orada izdihamdan elə bir məhəbbət səviyyəsi görüb ki, misirlilərdən gördüyündən də artıq idi.
O, həmçinin atasının həyatının bəzi insani tərəflərini, xüsusən həftəlik Quran qiraətini və qiraət dünyasındakı şöhrətinə baxmayaraq insanlarla təvazökarlığını təsvir etdi.
Şeyx Təblavi "qızıl boğaz" ləqəbi daşıyırdı. Dünyanın müxtəlif ölkələrinin, o cümlədən Vatikanın rəsmiləri onun üçün rəsmi dəvətnamələr göndərirdi. O, həmçinin İordaniya kralı Hüseynin anası kraliça Zəyn əş-Şərəfin, Mərakeş kralı II Həsənin və Suriyanın keçmiş prezidenti Hafiz Əsədin oğlu Basil Əsədin cənazə mərasimlərində qiraət etmək üçün dəvət edildi. Bundan əlavə, Yunanıstanda və İtaliyada çoxlu sayda müsəlman qarşısında Quran oxumaq üçün də dəvətlər aldı.
Səsinə qarşı həddindən artıq qayğısı, Ustad Rəfət, Ustad Əli Mahmud, Ustad Məhəmməd Səlamə, Ustad Seyfi, Bəhtimi və Mustafa İsmayıl kimi görkəmli radio qariləri ilə birgə olmağa davam etməsi və birbaşa və ya radio vasitəsilə onlara qulaq asması, ona qiraət sənətini təkmilləşdirməkdə kömək edirdi.
Təblavi radioya qoşulmaq üçün digər qarilərə nisbətən ən böyük səyi göstərdi; hətta radioda qari olaraq işə qəbul olunmaq üçün radiodakı əzmkarlığına və səbrinə görə qibtə edilirdi. Bunun üçün 9 dəfə cəhd etdi, lakin ilahi iradə bəşər iradəsinin fövqündədir və Allah bu doqquz dəfədə ona izin vermədi. Onuncu dəfədə isə istədiyi balı əldə edə bildi və radioya qoşuldu.
Buna baxmayaraq, o, bir müsahibəsində narazılıqla dedi: "Xalqın hörməti və sevgisi mənim üçün fəxr nişanəsidir; lakin məni narahat edən odur ki, Misirdə yalnız sənətçilərə hörmət edilir. Mən İordaniya, Səudiyyə Ərəbistanı və Livan kimi bir çox ölkədə təqdir edilmişəm, amma hələ də öz ölkəmdə təqdir olunmamışam."
Nəhayət, Vəqf Nazirliyi Cənubi Sina ştatının Şərm əş-Şeyx şəhərində keçirilən 23-cü beynəlxalq Quran qiraət yarışının bağlanış mərasimində Şeyx Mahmud Xəlil əl-Hüsəri və Şeyx Əbdülbasit Əbdüssəməd də daxil olmaqla seçilmiş görkəmli qarilər qrupu ilə yanaşı onu da təqdim etdi.
O, 100-dən çox ölkəyə səfər etdi, lakin onun ağlında və qəlbində həmişə qalan səfər Səudiyyə Ərəbistanına səfər və Kəbənin içərisində əzandan əvvəl etdiyi qiraət oldu – çünki o, Kəbənin divarları arasında Quran oxuyan yeganə qari idi.
Vəfat etdiyi gün onun adına Quran hafizləri yetişdirən mərkəz adlandırıldı. Qarilər sindikatı da onun irsini və mövqeyini yad etmək üçün layiqli mərasim hazırlanmasını elan etdi.
Aşağıdakı video Şeyx Məhəmməd Mahmud Təblavinin “Yunis” surəsinin 84-86-cı ayələrinin qiraətinə aiddir.
4350553
