Burkina Fasonun xarici işlər naziri: İran milli birlik sayəsində ABŞ üzərində qələbə qazandı
Burkina Fasonun xarici işlər naziri Karamoko Jan Mari Traore, “şəhid İran rəhbərinin” dəfn mərasimində iştirak etmək üçün Tehrana səfəri zamanı, Tehranda keçirilən vida mərasimi çərçivəsində “İQNA”-ya verdiyi müsahibədə deyib: “Mən hesab edirəm ki, İran rəhbərləri ən əlverişli mövqedədirlər. Çünki onlar bütün dünyaya göstərdilər ki, ən vacib amil xalqın və rəhbərlərin öhdəliyi və sədaqəti, eləcə də onların arasındakı birlikdir.”
O, İrana qarşı aparılmış son müharibəyə toxunaraq əlavə edib: “Mənim fikrimcə, İran xalqı bu müharibədə qalib gəldi və bu proses xalqla rəhbərlik arasında birlik, həmrəylik və sıx əlaqələrin qorunması ilə davam etməlidir.”
Burkina Fasonun xarici işlər naziri, Burkina Faso, Niger və Mali adından “İran İslam İnqilabının şəhid rəhbərinə” ehtiram mərasimində iştirak edərək, İran İslam Respublikasının xarici işlər naziri ilə görüşü zamanı Burkina Fasonun, eləcə də Niger və Malinin prezidentləri, hökumətləri və xalqları adından İran İslam Respublikasına başsağlığı və həmrəylik mesajını çatdırıb.
O, “İslam İnqilabının şəhid rəhbərinin”, habelə son müharibə zamanı həlak olmuş bir sıra İran rəsmilərinin və vətəndaşlarının ölümü münasibətilə başsağlığı verib, həmçinin İran xalqının qanunsuz təhdidlər və təzyiqlər qarşısında göstərdiyi müqavimət və dözümlülüyü yüksək qiymətləndirib.
4363156
