هیوادونه دې دمونږ افغانستان په داخلی چارو کې ګوتې نه وهي
ایکناخبري آژانس د تسنیم له قوله راپور راکړ ، د طالبانو رهبر ملا هبت ا... اخوند زاده نن د قربانۍ دلوي اختر په درشل کې په یوه پیغام کې اعلان کړی، مونږ نړیوالو او ګاونډیو هیوادونو ته ډاډ ورکوو ، چې افغانستان هیچا ته اجازت نه ورکوي ، ددغه هیواد له خاورې په استفادې سره دې د نورو هیوادونو لپاره کوم ګواښ شي ، په مقابل کې له نړیوالو هیوادونو هم غواړو، دمونږ په کورنیو چارو کې دې هم ګوتې نه وهي .
د طالبانو رهبر زیاته کړې ده ، مونږ د نړۍ له درستو هیوادونو سره د د متقابلو ژمنتیاؤ په چوکاټ کې تعامل غواړو او دا د ټولو په ګټه ګڼو .
اخوند زاده صیب افغانستان ته دهیواد دسیاسی څیرو دستنیدا په هرکلي سره مدعی شوی ،درست افغانان دافغانستان په اداره کولو اورغولو کې برابره ونډه لري .
ملاهبت ا... اخوندزاده همداراز د طالبانو له داخلی مخالفانو هم وغوښتل ، د داخلی اوبهرنیو دسیسو په دوکه کې دې رانشي او له جنګه دې لاس واخلي او خپل سوله ایز ژوند ته دې دوام ورکړي .
هغه دې ته په اشارې سره چې د طالبانو د حکومت اوسني مشکلات اقتصادي مسئلې دي ، زیاته کړې ده .طالبان په هغو مشکلاتو چې د افغانستان ولس ورسره لاس او ګریوان دی خبر دي او د اقتصاد پیاوړتیا ، بیا رغاونه او دباقي پاتې مشکلاتو ختمول، دافغانستان د حکومت او ملت ګډ مسئولیّت ګڼي .
د طالبانو رهبر په دغه پیغام کې همدرااز ووئيل ، طالبان د افغانستان د درست ولس دحقوقوتامینیدا ، ښونې او روزنې او د بیان آزادۍ ته د دوي د اصولو په چوکاټ کې ژمن دي . دبیت المال ساتنه ، د زلزله ځپلو،یتیمانو، پرکوټو په وضعیّت ارزونه ، او دنورو مسئلو څيړنه هغه موضوعګانې دي د طالبانو رهبر په دغه پیغام کې پرې ټينګار کړی دی .
