په افغانستان باندې د طالبانو په دوه کلن حکومت کې ۱۷۶خبریالان نیول شوي دي
ایکنا د پارس ټوډې په حواله خبر ورکوي چې، د افغانستان د خبریالانو د مرکز د رپورټ له مخې، په دغه هېواد باندې د طالبانو د واکمنۍ په دوو کلونو کې د خبریالانو او د رسنیو د خاوندانو خلاف په ثبت شویو پېښو کې، د رسنیو د درېیو تنو کارکوونکو وژل، د خبریالانو د زیان لیدنې ۲۳ موارد او ۱۷۶ لنډمهاله او مینځ مهاله نیونې شاملې دي، چې دغو نیونو څوڅو میاشتې دوام موندلی دی او له دغو کسانو څخه ۹ تنه لاهم په بند کې دي.
په عین حال کې د خبریالانو خلاف څه باندې ۳۰۰ قهرجنې او له تشدده ډکې پېښې ثبت شوې دي.
دا راپور د خبریالانو او رسنیو د حقوقو د خلاف ورزۍ د پېښو د زیاتېدو او په افغانستان کې د آزادو رسنیو د ځپونې د بهیر د سختېدو ښودنه کوي.
د رسنیو خلاف په تازه اقداماتو کې د افغانستان د طالبانو د حکومت ځواکونو په ننګرهار ولایت کې د درېیو رسنیو فعالیت بند کړی دی.
په عین حال کې د بې سرحده خبریالانو سازمان هم په دې وروستیو کې ویلي چې په افغانستان کې له درېیو څخه دوه برخې خبریالانو خپل کار پریښې دی.
