د غزې دمظلومو خلکو په ملاتړ کې نړیوالې مظاهرې هماغه شان دوام لري(فیلم)
ایکنا دالجزیره له قوله راپور راکړپه درستې نړۍ کې هماغه شان په غزې د صهیونیسټي رژيم د څارودي ډوله تیریو اوجنایتونو په ردولو کې چې تر وروستیو پورې د کابو یولس زره پنځه سوه فلسطنیانو د شهادت سبب شوي چې زیاتره ئې ماشومان اوښځې دي ، هماغه راز دوام لري.
د هالینډ په آمسټرډم کې مدني فعالانو په اسخیپول هوائي ډګر کې مظاهره وکړه او په غزې کې ئې دفوري اور بند او د اسرائيلي رژيم او هالینډ ترمینځ ئې د پوځي ملګرتیاؤ دغوڅیدا غوښتنه وکړه.
د سویډ په مالمو ښار کې هم د فلسطین د مظلوم ولس په ملاتړ کې او رسره په پیوستون کې سترې مظاهرې وشوې . دډنمارک په پلازمینې کوپنهیګ هم دغزې او فلسطین د ملاتړو اورګانونو او موسیسو په ملګرتیا او د ټولنو له خوا ددغو مظلومو خلکو په ملاتړ کې پراخې مظاهرې شوي دي.
دغه راز راپورونه ښئ چې په اردن ،مراکش تیونس هالینډ ،پاکستان ،هندوستان،بحرین، کویت ،جرمنی ، انګلستان ،امریکا او نیجریه پشمول په لسګونو نورو هیوادونو کې هم پراخې مظاهرې شوي او پر ملګروملتو ئې غږ کړی څو د غزې د جنګ د سملاسی اور بند او د دغې مظلومې سیمې خلکو ته د فوري انساني مرستو د رسولو لپاره جدي ګامونه پورته کړي او داسرائيلو جنایتونو د دردولو لپاره دې اقدامات وکړي.
همداراز د اردن ډیری لوړپوړو شخصیّتونو په یوې اعلامې کې دمصر د رفح د سترې لارې د پرانیستل کیدا غوښتنه کړې چې دغه یوه نسخه ئې د مصر سفارت ته سپارلې ده.
راپورونه ښئ چې د بیلجیّم په بروکسل کې هم ستره مظاهره شوي او دغه راز په لندن کې د مصر سفارت په وړاندې په زرګونو خلک غونډ شوي چې له مصر څخه ئې د غزې دخلکو لپاره دانسان دوستۍ د مرستو رسولو لپاره درفح د سترې لارې دپرانیتسو غوښته کوله.
همداراز په واشنګټن کې د سپینې ماڼۍ په وړاندې هم مظاهره شوي چې په غزې کې ئې د الشفاء روغتون باندې دجنایتکارو د حملې په محکومیّت کې ددغه جنایتکار رژيم د چارواکو د محاکمه کولو غوښته کوله.
https://iqna.ir/fa/news/4181927
