طالبات وائي،په افغانستان کې په زرګونو میرمنې په رسمي اورګانونو کې په کارونو بوختې دي
ایکنا-(کابل) د افغانستان د طالبانو د حکومت داخله چارو وزارت وائي ،په کورنیو چارو وزارت کې کابو دوه زره ښځینه کارکوونکې په مختلفو څانګو کې په کار بوختې دي.
ایکنانیوز د پارس ټوډې له قوله راپور راکړ، د افغانستان د طالبانو د حکومت د کورنیو چارو د وزارت ویندوی «عبدالمتین قانع» د جمعې په ورځ وویل: دغه ښځینه کارکوونکې د پاسپورت په ریاست، عامه خدمتونو، پوستو او د کورنیو چارو وزارت په نورو څانګو کې کار کوي.
قانع زياته کړه چې د پوليسو په ليکو کې د ښځو شتون اړينه ده، په ځانګړې توګه د کورنيو چارو وزارت د امنيتي او تفتيش په څانګو کې.
خو د پوځي چارو کارپوه صادق شینواري د افغان ښځو شتون کموالي ته په اشارې سره ټینګار وکړ چې د افغانستان خلکو ته د غوره خدمتونو د وړاندې کولو لپاره باید د ښځینه ځواکونو شمېر زیات شي.
