د اسلامي ملګرتیاموسیسه؛ د افغان کډوالو لپاره د مرستو جلبول لومړیتوب دی

ایکنا – په افغانستان کې د اسلامي ملګرتیا موسیسې سفیر په کابل کې د طالبانو د کډوالو چارو له وزیر سره په لیدنې کې ټینګار وکړ چې داموسیسه به د افغان کډوالو لپاره د بشري مرستو د جلبولو په برخه کې خپلو هڅو ته دوام ورکړي.

ایکنانیوز د تسنیم له قوله راپور راکړ،د افغانستان په کابل کې د اسلامي ملګرتیا موسیسې سفیر «محمد سعید العیاش» د طالبانو دحکومت  د کډوالو چارو له سرپرست وزیر مولوي عبدالکبیر سره په لیدنې کې د دغې موسیسې په ژمنې باندې ټینګار وکړ چې د افغان کډوالو لپاره به د بشري مرستو د جلبولو لپاره خپلو دوامداره او اغېزشیندونکو اقداماتو ته ادامه ورکړي.

د افغان کډوالو ملاتړ او د عام‌المنفعه پروژو ځینې پروژې د دغو خبرو اترو اصلي موضوعګانې بلل شوي دي.

د افغانتسنان د کډوالو د چارو سرپرست وزیر مولوي عبدالکبیر په دې لیدنې کې د اسلامي ملګرتیا موسیسې د اسلامي هېوادونو ترمینځ د اړیکو یو مهم بنسټ وباله او له دغې موسیسې  او نورو مرستندویه بنسټونو ئې وغوښتل چې د بېرته  ستنېدونکو افغان کډوالو لپاره دې د  ښارګوټو په جوړولو کې ملګرتیا وکړي.

له بلې خوا، په کابل کې د اسلامي ملګرتیا موسیسې سفیر وویل چې له افغان کډوالو سره ناسم چلند او د هغوی جبري ایستل د دغې  موسیسې  لپاره د ژورې خواشینۍ او اندېښنې سبب شوي دي.

تر دې مخکې، د افغانستنان د  طالبانو د روغتیا وزارت له پاکستانه د  ستنېدونکو افغانانو د روغتیا او درملنې وضعیت باندې د غور  په موخه ټینګار کړی ؤ چې په افغانستان کې  ستنو شوو کډوالو ته د مرستو او خدماتو  د وړاندې کولو لپاره نړیوال ملاتړ ته اړتیا ده.

https://www.tasnimnews.com/fa/news/1404/02/14/3305111