د قرآن کریم د حفظ ۱۲۰۰ ښوونځي به تر راتلونکو ۵ کلونو پورې جوړ شي

ایکنا - د ایران د پوهنې او روزنې وزارت د قرآن، عترت او لمانځه عمومي مشر میکائیل باقري ویلي، چې د اووم پرمختیائي پروګرام له مخې به تر راتلونکو پنځو کلونو پورې ۱۲۰۰  رسمي ښوونځي د قرآن کریم د حفظ لپاره جوړ شي. یو شمېر دا ډول ښوونځي اوس مهال په آزمایښتي ډول فعالیت کوي.

باقري، چې د ۳۲  نړیوال قرآني نندارتون د پایزو دستورو په ترڅ کې د قرآن د خادمانو ټولنې لخوا د پوهنې او روزنې په برخې کې د فعال شخصیت په توګه وستایل شو، د ایکنا خبري اژانس ته ئې د خپلې ادارې د فعالیتونو، نورو قرآني بنسټونو سره د ملګرتیا او راتلونکو پلانونو په اړه توضیحات ورکړل.

هغه وویل، د ایران د اسلامی جمهوریت  د پوهنې او روزنې وزیر ډاکټرکاظمي لومړیتوبونه ټاکلي، چې تر ټولو مهم ئې لمونځ دی. د قرآن په برخه کې درې مهمې دندې ټاکل شوې: 

د قرآن عمومي زده‌کړه 

د قرآن حفظ، چې د  رهبرۍ ستر مقام  له لوري د ۱۰ میلیونو حافظانو د روزنې غوښتنه شوې ده. 

د استعدادونو موندنه او روزنه،څو هیڅ زده‌کوونکی له خپل استعداده بې‌برخې پاتې نه شي.

دغه راز، د زده‌کوونکو لپاره تربیتي رول   لوبول په پام کې نیول شوي، چې په پایلې کې به د زده‌کوونکو هیئتونه جوړ شي. باقري زیاته کړه، که ښوونکي د قرآن په اړه بشپړه پوهه ولري او درسي کتابونه لا جذاب شي، نو زده‌کوونکي به په  اتومات ډول د قرآن زده‌کړې ته لیوالتیا ومومي.

 

https://iqna.ir/fa/news/4281576