په ایران د امریکا او اسرائيلو حملې د قانون د حاکمیّت او د انساني ارزښتونو خلاف ورزي ده

ایکنا- د ایران د اسلامی جمهوریت ولسمشر د نړئ د کاتولیکانو رهبر پاپ لئو څوارلسم ته په یوه پیغام کې په ایران د و روستیو تیریو په وړاندې د اخلاقي دریځ نیونې څخه په قدرونې سره ،د نړیوالې ټولنې له خوا د منصفانه او حقیقت پال کړچار د غوره کولو پر ضرورت ټينګار وکړ او د امریکا له بلاغواړو او خطرناکو سیاستونو او غیر قانوني غوښتو سره د نړئ د هیوادونو پر مقابله کونې ټينګار وکړ.

ایکنانیوز د ولسمشرۍ  ماڼئ د اطلاع رسونې د څانګې له قوله راپور راکړ، د ایران د اسلامي جمهوریت ولسمشر، د ایران په وړاندې د امریکا او صهیونیسټ رژیم د وروستیو تیریو په اړه د پاپ د اخلاقي دریځونو په ستایلو سره، د نړیوالې ټولنې لخوا د حقیقي او عادلانه چلند په اړتیا باندې ټینګار وکړ.

  د ایران د اسلامي جمهوریت ولسمشر مسعود پزشکیان، نن د نړۍ د کاتولیکانو مشر ته په یوه پیغام کې لیکلي دي: د امریکا او اسراییلي رژیم ویجاړونکی چلند او د دوی غیرقانوني بریدونه نه یوازې د ایران خلاف دي بلکې په نړیوال ډګر کې د قانون د حاکمیت، نړیوال قانون، انساني ارزښتونو او د الهي مذهبونو د تعلیماتو خلاف هم دي. په څرګنده توګه، د دې چلند لګښتونه د ټولې نړیوالې ټولنې لپاره خطرناک دي.

پزشکیان ټینګار وکړ: د ایران اسلامي جمهوریت تل ثابته کړې چې د امریکا د حکومت په ګډون د ستونزو د حل لپاره ډیپلوماسۍ او سوله ایزو حل لارو ته ژمن دی او د دې هدف لپاره یې، د خبرو اترو په میز او ډیپلوماسۍ سره د حکومت د پرله پسې خیانتونو سره سره، د پاکستان د منځګړیتوب هرکلی کړی او په صادقانه او مسلکي توګه په اسلام آباد کې خبرو اترو ته ناست دی.

هغه زیاته کړه: د امریکې د حکومت د غیرقانوني غوښتنو په وړاندې د ایران اودریدنه، د نړیوالو حقوقو او د لوړو انساني ارزښتونو د دفاع او اودریدو په معنا ده.

https://iqna.ir/fa/news/4352399