د ایران د قرآني کاروان بریا د حفظ او تلاوت د لوړ مقام پایله ده

ایکنا- د کربلا د سترې جایزې د قرآن کریم د نړیوالو سیالیو د پنځم پړاو د تحقیق قرائت څانګې دویم مقام ګټونکي امید حسینی‌نژاد ، د ایران د قرآني کاروان د بریا راز د هېواد د استازو لوړ پخوالی او پراخې تجروبې وبللې او وې ویل:ایراني قاریان تر دې چې نړیوالو ډګرونو ته وارد شي، د سیالیو بېلابېل پړاوونه تېروي، له همدې امله تل د هرې سیالۍ په ډګر کې د لوړو مقامونو د ترلاسه کولو له اصلي مدعیانو څخه وي.

 ایکنانیوز راپور راکوي، سید امید حسینی‌نژاد د ایکنانیوز  له خبریال سره په خبرو کې د دغو قرآني سیالیو د ترسره کېدو کیفیت ته په اشارې سره وویل:«دا سیالۍ اوس خپل پنځم پړاو ته رسېدلې دي او ورو ورو د نړیوالو قرآني سیالیو له مشهورو او معتبرو سیالیو څخه ګرځي. په تېرو پړاؤنو کې هم نامتو قاریانو ګډون کړی و او په دې پړاو کې هم مونږ د ممتازو او لوړ کیفیت لرونکو قاریانو شتون ولید.

هغه د تحقیق قرائت په برخې کې د ګډونوالو د لوړې کچې په اړه زیاته کړه:«ګډونوال لکه عبدالله زهیري، چې د حضرت امام حسین (ع) د سپېڅلي حرم قاري او د دې پړاؤ  د دریم مقام ګټونکی و، له تکړه او ځانګړي سټایل او سبک لرونکو قاریانو څخه و. همدارنګه د افغانستان استازی او د ایران استازی یوسف جعفرزاده هم له خورا لوړې فني کچې برخمن وو او سیالۍ په یوه مسلکي او لوړ کیفیت لرونکي فضا کې ترسره شوې.»

حسینی‌نژاد د ایران د کاروان د بریا د لامل په اړه وویل:«ایراني قاریان معمولاً تر نړیوالو سیالیو مخکې د کورنیو سیالیو بېلابېل پړاوونه تېروي او اړین پخوالي ته رسېږي. له همدې امله په نړیواله کچه هم تل د اصلي مدعیانو له ډلې څخه وي او دا موضوع د سیالیو د قاضیانو او تنظیموونکو لپاره هم ښه پېژندل شوې ده.»

دغه نړیوال قاري د خبرو په پای کې د سیمې د وروستیو تحولاتو د اغېزو په اړه وویل: د بېلابېلو هېوادونو ګډونوالو، په ځانګړې توګه د لبنان او ځینو افریقايي هېوادونو استازو، د سیمې له مظلومو ملتونو سره د ایران د اسلامي جمهوریت د ملاتړ په اړه خبرې کولې او له دې دریځه ئې خوښي څرګندوله. آن ځینو ګډونوالو به چې ایرانیان ئې لیدل، د ایران د قدرت  او اقتدار یادونه به ئې کوله او په دې اړه به یې جالب تعبیرونه کارول.»

https://iqna.ir/fa/news/4358162