د امریکا کانګرس د ایران پر ضد د جنګ د درولو غوښتنه وکړه
د ایکنانیوز د سی این این ټیلیویژني چینل له قوله راپور راکړ، د امریکا د کانګرس استازو هغه پرېکړهلیک تصویب کړ چې موخه ئې د ایران پر ضد په جنګ کې د ډونالډ ټرمپ د پوځي کمپاین او واکونو محدودول دي.
دا د قانون جوړونکو وروستی اقدام ګڼل کېږي چې د دغه جنګ په تړاو د خپل ولسمشر پر سیاستونو نیوکه او ننګونې کوي، او همدارنګه په امریکا کې د دې جنګ د محبوبیت د کمیدا څرګندونه هم کوي.
دغه پرېکړهلیک چې ډیموکرات استازې پرامیلا جایاپال له خوا وړاندې شوی ؤ، د ۲۱۴ موافقو او ۲۰۸ مخالفو رایو په ترلاسه کولو سره تصویب شو.
د جمهوري غوښتونکي ګوند څلورو استازو، توماس مَسي، براین فیتزپيټریک، ټام برټ او وارن ډېوېډسن هم له ډیموکراټانو سره یو ځای د دغه پرېکړهلیک ملاتړ وکړ.
د دغه پرېکړهلیک تصویب په دې پسې شو ی چې د امریکا د کانګرس استازو تېره میاشت هم ورته یو پرېکړهلیک تصویب کړی و، او وروسته ئې مشرانو جرګې (سنا) هم په یوه کمساري اقدام کې، د دواړو ګوندونو په ملاتړ، تصویب کړ.
دا اقدام د هغو نیوکو په توګه ګڼل کېږي چې د روان کال په فرورۍ میاشت کې د ایران پر ضد د اسرائیلو له بریدونو سره د ټرمپ د یوځای کېدو پر پرېکړه شوې وې.
دا رایهاچونې په داسې حال کې ترسره شوې چې د څو میاشتو اوربند وروسته یو ځل بیا کړکېچونه زیات شوي او نوې نښتې پیل شوې دي.
دا په تېرو دوو کلونو کې دوهم ځل دی چې د امریکا د استازو مجلس د جګړې په برخه کې د ولسمشر د واکونو د محدودولو هڅه کوي، خو دا لومړی ځل دی چې دا اقدام د امریکا او ایران ترمنځ د تفاهمنامې له لغوه کېدو وروسته ترسره کېږي.
په وروستیو شپو ورځو کې د امریکا اعتراف چې په اردن کې د ایران د بریدونو له امله ئې څو پوځیان وژل شوي، د امریکا د جنګ پراخونې پر ضد نیوکې لا زیاتې کړې دي.
یو شمېر ډیموکرات استازي چې د جنګ د واکونو د محدودولو پلویان دي، وایي چې ګډ پرېکړهلیکونه له قانوني پلوه ضروری دي او تر اوسه هېڅ محکمې دا پریکړه نه ده کړې چې دا ډول پرېکړهلیکونه د جګړې په چارو کې د اجرا وړ اعتبار نه لري.
https://iqna.ir/fa/news/4365757
