د حسینی اربعین د زیارتوالو له لورې د حضرت عباس(ع) سپېڅلي آستان د کلتوري موکب تود هرکلی

ایکنا- د حضرت ابوالفضل العباس (ع) د سپېڅلي آستان فرهنګي موکب، چې د نجف اشرف او کربلا معلی ترمنځ د زائرانو پر لار جوړ شوی، د امام حسین(ع) د اربعین د زائرانو له پراخ هرکلي سره مخ شوی دی.

د ایکنا د راپور له مخې چې د الکفیل له قوله یې خپور کړی راغلی دي، د حضرت عباس علمدار(ع) سپېڅلي آستان دغه فرهنګي موکب د کربلا مقدس ښار ته په درو اصلي لارو، یعنې د بغداد، نجف اشرف او بابل پر چورلیزونو کې جوړ کړی دی. دا پروګرام د آستان د بېلابېلو څانګو په همکارۍ او د دې لپاره ترسره کېږي چې زائرانو ته دیني، کلتوري، فکري، معرفتي او پوهاوی‌بخښونکي پروګرامونه وړاندې کړي.

د نجف پر محور د کلتوري موکب مسئول سید احمد صادق وویل، دغه موکب هره ورځ د بېلابېلو هېوادونو د زرګونو زائرانو کوربه وي، ځکه د نجف ـ کربلا لار د کربلا مقدس ښار ته د زائرانو د تګ له تر ټولو مهمو او ګڼې ګوڼې ډکو لارو څخه ده.

هغه زیاته کړه، موکب خپلو کلتوري، دیني او معرفتي فعالیتونو ته دوام ورکوي؛ هغه پروګرامونه چې د زائرانو د دیني او فرهنګي پوهاوي په لوړولو کې اغېزشیندونکی رول لري.

د هغه په وینا، د دغه موکب په فعالیتونو کې فرهنګي سیالۍ، دیني لارښوونې او ارشاد، د کتابونو او خپرونو نندارتون، او همدارنګه د زائرانو لپاره بېلابېل متقابل فرهنګي پروګرامونه شامل دي.

https://iqna.ir/fa/news/4367328