Amali za hija kutangazwa moja kwa moja kupitia Küre TV

Televisheni ya intaneti ya Küre TV ya nchini Uturuki tokea jana Jumapili imekuwa ikitangaza moja kwa moja amali za hija kwa muda wa masaa 24.

Kwa mujibu wa tovuti ya maxihaber watazamaji wanaweza kuona matangazo hayo ya amali za hija mjini Makka, usomaji Qur'ani na ziara ya mahujaji mjini Madina kupitia anwani ifuatayo: www.kure.tv.
Lengo la televisheni hiyo kutangaza matangazo hayo kwa njia hiyo ni kuwawezesha Waislamu ambao hawakufanikiwa kuzuru miji hiyo mitakatifu kufuatilia kwa karibu ibada tukufu ya hija na ziara zinazofanywa na mahujaji katika miji hiyo.
Watu walio na hamu ya kunufaika na huduma za bure za televisheni hiyo wanaweza kufanya hivyo kupitia anwani iliyotajwa hapo juu au kupitia anwani ifuatayo ya simu ya mkononi: http://m.kure.tv. 695815