انڈونیشیا میں "عصر حاضر اور ایران میں قرآنی علوم کی پیشرفت" کے عنوان سے کانفرنس کا انعقاد
بین الاقوامی گروپ : اسلامی جمہوریہ ایران کے قونصلیٹ کی کوششوں سے انڈونیشیا کے شہر "جوگجاکارتا" کی اسلامی یونیورسٹی "سونان کالیجاگا" میں "عصر حاضر اور ایران میں قرآنی علوم کی پیشرفت" کے عنوان سے کانفرنس منعقد کی گئی ہے۔
ایران کی قرآنی خبر رساں ایجنسی (ایکنا) کے شعبہ مشرقی ایشیا کی رپورٹ کے مطابق کانفرنس کے آغاز میں شریعت و قانون یونیوسٹی کے چانسلر "علی ہادی" نے ایرانی وفد کو خوش آمدید کہتے ہوئے کہا : گزشتہ چند سالوں کے دوران ایران میں قرآنی مباحث کے حوالے سے کافی پیشرفت ہوئی ہے لہذا ہمیں بھی قرآنی میدان میں انکی کامیابیوں سے فائدہ اٹھانا چاہیئے ۔
بین الاقوامی اسلامی ثقافت و تعلقات مرکز کی جانب سے انڈونیشیا کا دورہ کرنے والے حجت الاسلام و المسلمین احمدی شاہرختی نے کانفرنس کے دوران اسلامی جمہوریہ ایران میں قرآن کریم کے حوالے سے مختلف سرگرمیوں پر روشنی ڈالتے ہوئے مزید کہا : ایران میں قرآنی علوم کی ترقی کی اصل وجہ اسلامی انقلاب ہے ۔
نظرات بینندگان
