موصل میں داعش دہشت گردوں نے 4 عورتوں کے سر قلم کردیئے
ایکنا نیوز-شفقنا نیوز-موصل پر قبضہ کرنے کے بعد داعش دہشت گردوں نے وہاں کی عورتوں کو جہاد النکاح کی دعوت دی تھی اور اس حکم کو نہ ماننے پر سخت سزا دینے کا اعلان کیا تھا، سلفی وہابی دہشت گردوں کو بڑے پیمانے پر سعودی عرب کی حمایت حاصل ہے اور اب تک عراقی فوجیوں نے سیکڑوں سعودی گاڑیوں کو عراق میں تباہ کیا ہے۔
داعش کے وحشیانہ اقدامات انسانی حقوق کمیشن کو پیش
عراق کی وزارت انسانی حقوق نے اس ملک میں داعش اور بعثی دہشت گردوں کے وحشیانہ جرائم کے ثبوت و شواہد، اقوام متحدہ کی سلامتی کونسل اور انسانی حقوق کمیشن کو پیش کئے ہیں۔ ہمارے نامہ نگار کی رپورٹ کے مطابق عراق کے انسانی حقوق کی وزارت نے عراق کے صوبوں نینوا، صلاح الدین اور الانبار میں داعش گروہ کی بربریت سے متعلق ٹھوس ثبوت و شواہد اکٹھا کرکے اقوام متحدہ کی انسانی حقوق کے کمیشن اور سلامتی کونسل کو پیش کئے ہیں۔ داعش اور بعثی دہشت گردوں کے جن جرائم کے ثبوت و شواہد عراقی حکومت نے سلامتی کونسل کو پیش کئے ہیں ان میں موصل کی بادوش جیل میں چار سو اسیّ قیدیوں کو پھانسی، موصل شہر کے چودہ اہل سنت علما کو پھانسی، عورتوں کی عصمت دری، موصل میں عیسائیوں پر جزیے کو مسلط کیا جانا، شبک قبیلے کے ڈیڑھ سوافراد کا اغوا کرنے جیسے بے شمار بھیانک جرائم شامل ہیں- عراقی ذرائع نے کہا ہے کہ شمالی عراق کے نولاکھ عراقیوں نے پچھلے دوہفتے کے دوران عراق کے کردستان اورسنجار کے علاقے میں پناہ لی ہے تاکہ وہ داعش کے مجرمانہ اقدامات سے محفوظ رہیں۔ اس میں شک نہیں کہ جوکچھ عراق میں ہورہا ہے وہ اس سناریو کا نتیجہ ہے جو علاقے کے بعض ممالک اور امریکا عراق میں لڑائیوں کی شکل میں انجام دے رہے ہیں۔ صوبہ ذیقار کی سیکورٹی کمیٹی کے سربراہ نے بھی انکشاف کیا ہے کہ تین ہزار دہشت گرد عراق اور سعودی عرب کی مشترکہ سرحدوں پر موجود ہیں۔ سعودی عرب ان ملکوں میں سے ہے جو داعش اور بعثی دہشت گردوں کی ہر طرح کی مدد کررہا ہے - عراقی وزیراعظم نوری مالکی نے بھی اس نکتے کا اعتراف کرتے ہوئے کہ عراق کے واقعات میں بعض ملکوں کا ہاتھ ہے کہا ہے کہ عراقی فوج اور عوامی رضاکار فورس موجودہ سازشوں کا مقابلہ کرنے کے لئے پوری طرح تیار ہیں-
