ایران کی مدد کے بغیر داعش کا خاتمہ ناممکن
ایکنا نیوز- ایران ریڈیو-ایران کی تشخیص مصلحت نظام کونسل کے سربراہ ہاشمی رفسنجانی نے کہا کہ ایران کی مدد کے بغیر امریکی داعش کو ختم نہیں کر سکتے۔
آیت اللہ ہاشمی رفسنجانی نے اس جانب اشارہ کرتے ہوئے کہ داعش کے خلاف بنایاگیا اتحاد یقینی طور پر ٹوٹ جائےگا کہا کہ امریکیوں نے تسلیم کیا ہے کہ اگر ایران مدد نہ کرے تو یہ اتحاد داعش کو ختم نہیں کرسکتا۔
آیت اللہ رفسنجانی نے کہا کہ صرف بمباری کسی دہشتگردگرد گروہ کو ختم نہیں کرسکتی کیونکہ ہم اس بات کےشاہد ہیں کہ حالیہ کچہ دنوں میں داعش نے ترکی کے سرحدی علاقے کوبانی پرحملہ کیاہے۔
انھوں نے کہا کہ گذشتہ رات بھی امریکی اتحاد کے فوجیوں نے کوبانی کےآس پاس اس مقصدسے بمباری کی تاکہ دہشتگرد اس شہر پر قبضہ نہ کرسکیں لیکن اس شہر کے اکثر علاقوں پر دہشتگرد حملہ کررہے ہیں۔
آیت اللہ رفسنجانی نے کہا کہ خود مغرب والوں نے اطلاع دی ہے کہ داعش پر فضائی حملہ شروع ہونے کے وقت سے مختلف ملکوں سے دوسوپینتیس دہشتگرد اس سے آملے ہیں۔ اور صرف فضائی حملوں سے ان کا صفایا نہیں کیا جاسکتا۔
آیت اللہ ہاشمی رفسنجانی نے عراق کے حالیہ واقعات کا ذکرکرتے ہوئے کہا کہ ایران نے عراق کے موجودہ مسائل کے حل کے لئے اہم کردار ادا کیا ہے۔
ہاشمی رفسنجانی نے کہا کہ اگر ابھی جنگ شروع ہوجائے تو پھر اہم کام ایرانیوں کے ہاتھوں میں ہوگا البتہ ہم یہ نہیں کہتے کہ ہم نے فوجی بھیجے ہیں لیکن ایران کے مشوروں سے ہی موصل بند اور آمیرلی شہر کو آزاد کرایاجاسکا ہے۔
