قاتلوں نے قرآن و حدیث سے غلط مطالب اخذ کیے ہیں: ثاقب اکبر
ایکنانیوز- شفقنا۔اسلام آباد: اس تعزیتی ریفرنس کے ذریعے ہم نے شہیدوں سے اتصال کا مظاہرہ کیا ہی،ہم ایک ہی ہیں ۔ ہمیں دہشت گردانہ فکر کے حامل ذہن کو بدلنا ہوگا۔یہ بات علمی تحقیقاتی ادارے البصیرہ کے چیئرمین ثاقب اکبر نے البصیرہ اور نظریہ پاکستان کونسل ٹرسٹ کے زیر اہتمام سانحہ پشاور کے لیے منعقدہ ایک تعزیتی ریفرنس سے خطاب کے دوران کہی ۔ انھوں نے کہاکہ قاتلوں نے قرآن اور حدیث سے غلط مطالب اخذ کیے ہیں ۔ ان کا کہنا تھا کہ عالمی سطح پر سب دہشت گرد گروہوں کی فکری ساخت ایک ہی ہیں۔ ہمیں اپنے مدارس کی مسلکی تقسیم پربھی غور کرنا ہو گا۔ہمیں بین الاقوامی اسلامی یونیورسٹی جیسے ادارے قائم کرکے مسلکی تقسیم کی بنیاد پر قائم اداروں سے ہاتھ اٹھانا ہوگا۔
سابق ائیر وائس مارشل سید قیصر حسین نے کہا کہ خدا را علمائے کرام منبر رسول (ص) پر بیٹھ کر امت کو تقسیم کرنے کی باتیں نہ کریں ۔ انھوںنے کہا کہ پشاور کے واقعے کے لیے ہم سب ذمہ دار ہیں ۔ہمیں اپنے بچوں کے ذہن میں زہر نہیں بھرنا چاہیے ۔ انھوں نے کہا کہ ہمیں تکفیری اور شدت پسندانہ فکر کو جڑ سے اکھاڑ پھینکنا ہوگا ۔ اسلام محبت کا دین ہیں۔
ریفرنس سے خطاب کرتے ہوئے جمعیت علمائے پاکستان کے سینئر نائب صدر پیر ناصر جمیل ہاشمی نے کہا کہ پشاور کا واقعہ ایسا دردناک ہے جس نے پوری قوم کو سوگوار کردیا ہی۔یہ یقینا ضرب عضب کا ردعمل ہے تاہم ہماری سیاسی قیادت کو ملکی معاملات کو اپنے ہاتھ میں لینے کی ضرورت ہی۔
ان مقررین کے علاوہ ریفرنس سے مفتی گلزار احمد نعیمی،پیر سید احمد نقشبندی،خواجہ شجاع عباس، انجم خلیق، کرنل نادر حسن، اعجاز رضوی ، حمید الحسن رضوی ،ہما مرتضی اور غدیر حسین نے بھی خطاب کیا۔
اس موقع پر شہباز چوہان ، ناصر علی ناصراور میاں تنویر قادری نے سانحہ پشاور کے حوالے سے لکھا ہو ااپنا تازہ کلام بھی پیش کیا۔
ریفرنس کی نظامت کے فرائض نظریہ پاکستان کونسل ٹرسٹ کی بین الاقوامی سیرت چیئر کے ڈائریکٹر ڈاکٹر محمد طفیل نے انجام دئیے ۔ ریفرنس میں سول سوسائٹی کے اراکین اور دانشور حلقے کی بہت سی شخصیات نے شرکت کی۔ تعزیتی ریفرنس کے اختتام پر شہدائے پشاور کے درجات کی بلندی کے لیے دعائے مغفرت بھی کی گئی۔
