مجلس وحدت مسلمین کوئٹہ کی جانب سے شہداء پشاور اور زخمیوں کی شفایابی کیلئے دعائیہ تقریب کا اہتمام

بین الاقوامی گروپ: وقت آگیاہے کہ دہشتگردوں کے خلاف پورے ملک میں بلاتفریق کاروائی کاآغازکیاجائے۔ پچھلے ایک ڈیڑھ دہائی سے دہشتگردی کے خلاف آواز بلندکررہے ہیں, اگر بروقت ہمارے مطالبات کوسنجیدگی سے لیاجاتاتوآج ہمیں یہ دن نہ دیکھناپڑتا۔

ایکنانیوز- مجلس وحدت مسلمین کوئٹہ ڈویژن کی جانب سے شہدائے پشاور کیلئے دُعائیہ تقریب کا اہتمام کیا گیا جس میں بڑی تعداد میں مرد ،خواتین اورسکول کے بچوں نے شرکت کی۔

تقریب سے خطا ب کرتے ہوئے مجلس وحدت مسلمین کے مر کزی رہنما علامہ سید ہا شم موسوی نے کہا کہ گزشتہ روز پشا ورمیں ڈیڑھ سو کے قریب معصوم بچوں اور سکول کے اسا تذہ کی شہا دت اور متعدد کا زخمی ہونے کی خبر نے ہر دل کو محزون اور ہر آنکھ کو اشکبا رکر دیا ہے، قیامت صغریٰ کے اس المنا ک حا دثے میں بھی بعض نا م نہا د مذہبی لیڈر اور درحقیقت شیطانی طاقتوں کے ایجنٹو ں نے افسوس کرنے اور اس نا گوار سا نحے کی مذمت کرنے کی بھی زحمت نہیں کی بلکہ طالبان ظالمان کے اس نا پاک اور وحشیانہ عمل کو سیاسی تناو کا نتیجہ قراردے کر اُنکی حوصلہ افزائی کی ۔

انہوں نے مزید کہا کہ یہ حملہ درحقیقت پاکستان کے مستقبل پرحملہ ہے کیونکہ طلباء کسی بھی قوم کے مستقبل کے معمارہوتے ہیں اور اگراس طرح ہمارے بچوں کو گولیوں کا نشانہ بنایاجاتارہا تو کس طرح ہمارے بچے علم کی شمع کو روشن رکھ سکیں گے؟

تقریب سے ممبرصوبائی اسمبلی سیدمحمدرضا نے خطا ب کرتے ہوئے کہا کہ پچھلے ایک دیڑھ دہائی سے جس طرح پا کستانی عوام کو بالعموم اور ملت تشیع سے تعلق رکھنے والے افراد کو باالخصوص دہشت گردی کانشانہ بنایا گیا اور ہزاروں لوگو ں کو شہدکیا گیا ہم اُسی وقت سے ریاستی اداروں اور حکومتوں کو اس بات کی طرف متوجہ کرنے کی کو شش کر رہے ہیں کہ ریا ستی اداروں کی جا نب سے جو پا لیسی اختیا ر کی گئی ہے اور اس کے نتیجے میں جو آگ لگائی جا رہی ہے یہ آگ ایک دن پورے ملک کو اپنی لپیٹ میں لے لے گی لیکن اُس وقت ہماری باتوں کو سنجید گی سے نہیں لیا گیا اور ہمیں لا شوں کے تحفے ملتے رہیں ۔

2012ء کو کوئٹہ کے آئی ٹی یونیورسٹی کے بس پر حملے میں متعدد طلباء کو شہید اور زخمی کیا گیا جس کے بعد وومن یونیورسٹی کے بس کو نشانہ بنایاگیا جس میں دو درجن سے زائد طالبات شہید ہوئیں لیکن ملک وقوم کے ان معماروں کے قاتلوں کو گرفتار کرنے کیلئے کبھی سنجیدہ اقدامات نہیں اُٹھا ئے گئے جس کی وجہ سے دہشت گرد اس قدر دلیرہوگئے کہ آج ملک کے ہر حصے میں سکول کے معصوم بچوں کو اپنی درندگی کا نشانہ بنا رہے ہیں جس میں گزشتہ روزپشاور میں رونما ہونے والا واقعہ انتہا ئی افسوسناک ہے جس نے ہر انسان کے دل کو ہلا کر رکھ دیا ہے اور پوری انسا نیت اس سا نحے کے بعد اُن معصوم بچوں کے سامنے شرم سار ہے ۔
انہوں نے مزید کہا کہ اب وقت آگیا کہ پورے ملک میں ان سفا ک دہشت گردوں کے خلاف بھرپورآپریشن کاآغازکیاجائے اور بلاتفریق ان دہشت گردوں کا قلع قمع کیاجائے تا کہ ملک عزیزمیں امن وامان کے خواب کو شرمند ہ تعبیر کیا جا سکے۔
تقریب کے آخر میں شہدائے پشاور کیلئے خصوصی دُعا کی گئی اور اُن کے اہل خا نہ کے سا تھ مکمل ہمدردی کا اظہارکیا گیا اور زخمی ہونے والے بچوں کی جلد صحتیابی کیلئے بھی دُعا کی گئی۔