حکومت داعش کے حامیوں کے خلاف فوری کاروائی کا آغاز کرے ۔ مجلس وحدت مسلمین
ایکنا نیوز- امام جمعہ کوئٹہ حجت الاسلام سید ہاشم موسوی اور ممبر صوبایی اسمبلی آغا رضا نے شہرمیں پیدا ہونے والی دہشت گردی اور ٹارگٹ کلنگ کے نئی لہر کے خلاف پریس کانفرنس سے خطاب میں کہا کہ کچھ شر پسند عنا صر مسلسل شہر میں وارداتوں کے ذریعے فرقہ واریت کی آگ بھڑکانے کی کوشش کر رہے ہیں ۔دن دہاڑے بے گناہ شہریوں کو ٹارگٹ کلنگ کا نشانہ بنایا جا رہا ہے جو لمحہ فکریہ ہے ،ہزاروں اہل کاروں کی موجودگی اور حکومت اور اداروں کی امن وامان کی بحالی اور بد امنی کے خاتمے کے بیانات کے باوجود آئے روز شہرمیں فائرنگ سے تاجر پیشہ افراد ،راہگیر اور عام شہریوں کو دہشتگردانہ کاروائیوں کے ذریعے ہراساں کیا جا رہا ہے ،محرم الحرام کے شروع ہوتے ہی پورے بلوچستان میں دہشت گردوں نے نئی کاروائیوں کا آغاز کر دیا ہے جس میں آٹھویں محرم کو سانحہ چھلگری ،سریاب روڈ دھماکہ ،سانحہ جیکب آباد شامل ہیں اور کوئٹہ میں ایک مرتبہ پھر ٹارگٹ کلنگ کی ایک مسلسل لہر شروع ہو چکی ہے ایک ہفتے سے کوئٹہ میں ارباب کرم خان روڈ ، جان محمد روڈ ، اسپنی روڈ اور پٹیل باغ پر ٹارگٹ کلنگ جیسے واقعا ت رونما ہونے کے با وجود حکومت اور سیکورٹی اداروں کی طر ف سے کوئی بھی عملی اقدام دیکھنے میں نہیں آرہا جبکہ نیشنل ایکشن پلان کے اندر یہ با ت طے ہوچکی تھی کہ دہشت گردوں اور اُن کے سہولت کاروں کے خلاف بھرپور کاروائی عمل میں لائی جائے گی اور اُن کے تمام نیٹ ورکس کو توڑا جائے گا لیکن چند ایک بد نام زمانہ دہشت گردوں کو کیفر کردار تک پہنچانے کے علاوہ کوئی خا طر خواہ پیش رفت نہیں کی جا سکی اور اُن کے نیٹ ورکس اور دہشت گرد پید ا کرنے کے مراکز ابھی بھی پوری طرح فعال ہیں ان واقعا ت سے عوام جن میں دہشت گردی کی عفریت سے آزاد ہونے کی اُمید پیدا ہوچکی تھی وہ آہستہ آہستہ دم توڑ رہی ہے اور دہشت گردی کے خاتمے کے حکومتی اور اداروں کی سنجیدگی پر شکوک و شبہات پیدا ہورہے ہیں جبکہ مٹھی بھر عناصر آج بھی شہر کے امن و امان کو تہہ و با لا کرنے کی سا زشوں میں مصر وف ہیں عوام کی اُمیدوں کو بحال کرنے اور اُن کے خدشات کو دو ر کرنے کےلئے حکومت اور اداروں کو دہشت گر دوں اور اُن کے نیٹ ورکس کے خلاف سنجیدہ اور ٹھوس اقدا مات کرنے ہونگے ۔
انہوں نے کہا کہ آ ج بھی نام بدل کر دہشت گردی کی کا روائیاں کرنے والی جما عت جس نے کھلم کھلا عالمی دہشت گرد تنظیم داعش کی حمایت کا اعلان کیا تھا بڑی دیدہ دلیری کے ساتھ اپنی کا روائیوں میں مصروف ہے اور روزانہ کی بنیاد پر تمام اخبارات میں بیانات جاری کر رہے ہیں جبکہ ہمارے ملک کے سربراہان کے بیانا ت ریکارڈ پر ہیں کہ ہم داعش کا سا یہ بھی ملک پر نہیں پڑنے دینگے ۔
