ایکنا نیوز - شفقنا کے مطابق فلسطینی تنظيم حماس کے سیاسی شعبہ کے سربراہ اسماعیل ہنیہ نے کہا ہے کہ امریکی حکومت عنقریب فلسطین اور بیت المقدس کے بارے میں خطرناک منصوبوں کا اعلان کرنے والی ہے۔ اسماعیل ہنیہ نے کہا کہ با وثوق ذرائع سے معلوم ہوا ہے کہ امریکہ بیت المقدس اور مقبوضہ فلسطین کے بارے میں خطرناک منصوبوں کا اعلان کرنے والا ہے جس میں اسرائیل کو یہودی حکومت کے عنوان سے باقاعدہ تسلیم کرنا، غیر قانونی یہودی بستیوں کو باقاعدہ اسرائیل کا حصہ قراردینا اور آوارہ وطن فلسطینیوں کی وطن واپسی کے حق کو منسوخ کرنے کے خطرناک منصوبے شامل ہے۔