گلزار شہداء کرمان میں دہشت گردانہ حملہ، سینکڑوں شہید و زخمی

ایکنا: کچھ دیر پہلے ایرانی صوبہ کرمان کے گلزار شہداء جانے والے راستے میں ہونے والے دہشت گردانہ حملے میں اب تک پچاس سے زاید افراد شہید ہوچکے ہیں۔

ایکنا انٹرنیشنل - ایرانی مقامی میڈیا کے مطابق یہ واقعہ کرمان گلزار شہداء میں پیش آیا جہاں ہزاروں افراد شہید جنرل قاسم سلیمانی کی چوتھی برسی منا رہے تھے۔

دھماکے کی اطلاع ملتے ہی زخمیوں کی مدد کے لیے امدادی ٹیمیں جائے وقوعہ پر پہنچ گئیں۔

 کچھ دیر پہلے ایرانی صوبہ کرمان کے گلزار شہداء جانے والے راستے میں ہونے والے دہشت گردانہ حملے میں اب تک 50 افراد شہید ہوگئے ہیں۔

تفصیلات کے مطابق، ایرانی حکام واقعے کی تحقیقات کررہے ہیں۔

ذرائع کے مطابق گلزار شہداء کے احاطے میں اب مکمل امن و امان ہے۔

تازہ ترین اطلاعات کے مطابق اس حادثے میں ڈیڑھ سو سے زاید افراد زخمی بھی ہوئے ہیں۔

میڈیا ذرائع نے ابھی ایک اور دھماکے کی شدید آواز کی اطلاع دی ہے۔

کرمان ایمرجنسی میڈیکل سینٹر کے سربراہ کا کہنا ہے کہ اب تک پچاس سے زاید افراد شہید اور ڈیڑھ سو سے زائد زخمی ہونے کی اطلاعات ہیں۔