جنگ بندی کی مخالفت کا سخت جواب دیا جائے گا

خاتم‌الانبیاء(ص) مرکز کے ترجمان نے خبردار کیا ہے کہ امریکہ اور صیہونی حکومت اسلامی مجاہدین کی تباہ کن ضربات سے عبرت حاصل کریں، جو مقبوضہ علاقوں اور العدید اڈے تک پہنچ چکی ہیں۔

ایکنا نیوز کی رپورٹ کے مطابق، پاسدارانِ انقلاب کے کرنل دوم ابراہیم ذوالفقاری، ترجمان مرکز خاتم‌الانبیاء(ص)، نے اپنے پیغام میں امریکہ اور صیہونی حکومت کی جانب سے جنگ بندی کی خلاف ورزی پر شدید ردعمل کا اظہار کیا۔ پیغام کا متن درج ذیل ہے:

"إنا فتحنا لک فتحاً مبیناً"

"قابو سے باہر صیہونی حکومت، جو نتانیاہو اور مجرم ٹرمپ جیسے جھوٹے رہنماؤں کے بے بنیاد دعووں پر کھڑی ہے، جھوٹ بولنے کی عادی ہو چکی ہے۔ اس جارح حکومت نے ایران کی فضائی حدود کی خلاف ورزی کرتے ہوئے اپنے ڈرونز سے آج صبح سے ملک کے بعض علاقوں کو نشانہ بنایا ہے۔"

"اسلامی جمہوریہ ایران کی بہادر مسلح افواج، امریکہ اور صیہونی حکومت کے جعلی اور جھوٹے وعدوں پر مکمل عدم اعتماد کے ساتھ، انٹیلیجنس اور آپریشنل کنٹرول کے تحت دشمن کی ہر ممکن جارحیت سے نمٹنے کے لیے مکمل طور پر تیار ہیں، اور ان کی انگلیاں ٹریگر پر ہیں۔"

"ہم امریکہ اور صیہونی حکومت کو خبردار کرتے ہیں کہ وہ شمال سے جنوب تک مقبوضہ علاقوں اور العدید اڈے پر اسلام کے بہادر رزمندگان کی تباہ کن کارروائیوں سے سبق سیکھیں۔ ورنہ ان کے لیے وسیع تر اہداف طے کیے جا چکے ہیں، اور آئندہ ردعمل پہلے سے بھی کہیں زیادہ شدید ہوگا، ان شاء اللہ۔/

4290706