Kərbəlada məhərrəm ayı
Terhan, 10.10.2016 – Hər il Məhərrəmlik və xüsusilə Aşura günü yaxınlaşdıqca müsəlmanların qəlbində xüsusi coşqu, hal dəyişikliyi müşahidə olunur.
Məhərrəm ayı İslam tarixinə İmam Hüseyin əleyhissəlam və Əhli-Beyt tərəfdarlarının haqq uğrunda şəhadətə yetişdiyi ay kimi daxil olub.
Müsəlman ümmətinin tarixinə kədərli, eyni zamanda, insanlara qürur bəxş edən bir məqam kimi daxil olmuş Kərbəla faciəsinin nəsillərin yaddaşında yaşaması, İmam Hüseyn əleyhissəlamın həyat və mübarizəsinin yad edilməsi olduqca böyük əhəmiyyət kəsb edir.
Belə ki, İmam Hüseyn əleyhissəlamın əzadarlığı, dinin saflığı uğrunda mübarizəsinin yad edilməsi bədbinlik əhval-ruhiyyəsinin təlqini deyil, iman və əqidəyə sadiqlik uğrunda fədakarlıq və dəyanətə çağırışın təcəssümüdür".
