Səbirlə koronavirusa və İsrailə qalib gələcəyik

Hizbullah baş katibi Seyyid Həsən Nəsrullah qarşıdakı Ramazan ayı barədə danışıb. Bu ayın fəzilətləri, yemək və iftar vermək söhbətlərindən, orucun səbr və dözümlülük üçün əməl olduğundan bəhs edib.

Seyyid Həsən Nəsrullah çıxışında qarşıdan gələn Ramazan ayını təbrik edib və mübarək Ramazan ayının fəzilətlərindən danışıb və bu günlərin Allah və Peyğəmbər (s) qarşısındakı dəyərini vurğulayıb.

Nəsrullah, Peyğəmbərin (s) hədislərinə və Quran ayələrinə istinad edərək belə deyib: "Mübarək Ramazan, yaxşılıq, nemət və günahların bağışlandığı bir aydır. Mübarək Ramazan ayı Allahın bəndələrinin məcburi əməllərindən başqa, müstəhəb əməllər edərək əməllərini artıra biləcəyi bir aydır. "

Hizbullah Baş katibi müsəlmanlardan və dindarlardan Ramazan ayında Qurana xüsusi diqqət yetirmələrini xahiş edib, çünki Quranın gündəlik oxunması insan üçün çox vaxtını almadığını və insan gündəlik proqramında bu ilahi kəlama yer verə biləcəyini deyib.

Çıxışının davamında Seyyid Həsən Nəsrullah belə deyib: "Allaha-Təala Qüdsi hədisində oruc tutmağa savab verdiyini və bunu mükafatlandırdığını deyir. Çünki Allah-Təala bu fərzi özünə aid edir və belə buyurur: "Oruc mənə aiddir və mən onu mükafatlandıracağam."

Tədqiqatlara görə, oruc insanın bədəni və ruhu üçün faydalıdır və insanlara səbr və müqavimət öyrədir. "

 

Oruc illik səbir praktikasıdır

Hizbullah baş katibi deyib: "Oruc illik səbir praktikasıdır. Bu məqsədlə ruh və həyat problemləri ilə qarşılaşmağa hazırlaşırıq və Allah-Təala Quranda möminlər haqqında danışarkən onları səbirlə izah edir.

Bir hədisdə Peyğəmbər (s) orucu atəşə qalxan kimi təsvir edir və bu xəndəklə cəhənnəm odundan qurtulmağın mümkün olduğunu söyləyir.

Sağlamlıq tövsiyələrinə əməl etmək üçün səbir tələb olunduğunu bilirik. İnsanların dolanışıq və yemək kimi məsələlərdə çətinlikləri olduğu şübhəsizdir, bu da səbir istəyir və koronavirusu səbirlə dəf edə bilərik. İsrail kimi düşməni səbirlə məğlub edə bilərik.

Səbir, dağılmadan müqavimət göstərmək deməkdir. Qəzəblənməmək və özünüzü idarə etmək deməkdir. Oruc səbir təcrübəsi üçün illik bir təcrübədir, səbir qələbənin açarıdır."

 

Koronavirusla mübarizə Livanda yaxşıdır

Seyyid Həsən Nəsrullah sözlərini belə davam etdirib: "Livanda koronavirus epidemiyasının vəziyyəti, hökumətin və Səhiyyə Nazirliyinin səyləri və ictimaiyyətin tövsiyələrə əməl etməsi sayəsində yaxşı səviyyədədir. Səbir və əzmlə qaydalara riayət etməli və koronavirusu məğlub etməliyik.

Günahlarının bağışlanmasını istəyənlər kasıblara və fəqirlərə yardım etsin, hətta az da olsa iftar versin.

Koronanın bir çox ölkədə, o cümlədən Livanda yayılması ilə aclığa səbəb olacağından narahatlıq var, buna görə dolanışıqları ağıllı şəkildə idarə etmək lazımdır."

 

Kömək edərkən insanın ləyaqəti diqqətlə qorunmalıdır

Hizbullah baş katibi yardımın yalnız Allah rizası və Tanrı üçün olacağını ifadə edərək deyib: "Diqqət edilməli məsələlərdən biri budur ki, birinə kömək edərkən onun və ailəsinin ləyaqəti qorunmalıdır.

Dostlarıma və qardaşlarıma bu işi görərkən heç bir video və ya fotoşəkil çəkməməyi qəti şəkildə məsləhət görürəm. İnsanlara yardım edilərsə, yemək və sair kimi şeylər verilərsə, heç bir görüntü götürülməməlidir.

Bəzi qardaşlarımız, "Arxivdə saxlamaq üçün olsa belə, çəkməyimiz lazım deyilmi?" deyə soruşurlar. Arxiv üçün olsa belə, şəkil çəkməyin deyirəm. Bu foto və videoların arxivinə ehtiyacımız yoxdur. Amma buna baxmayaraq, salonlarda, stadionlarda və təşkilatlarda humanitar yardım hazırlıqları zamanı şəkil və ya video çəkilə bilər. Yardım edilən ailələr bir an belə utanmamalıdırlar.

İslam dininin ən vacib məsələlərindən biri insanın ləyaqətini qorumaqdır və yardım heç bir şey üçün deyil, Allah üçün olmalıdır.

Bu il koronavirus epidemiyası səbəbindən mübarək Ramazan ayı ilə əlaqəli nemətlər evdə ediləcəkdir. Qida təhlükəsizliyi çox vacibdir və həm hökumət, həm də cəmiyyət bu məsələdə məsuliyyət daşıyır. "

3893547