Fələstin xristianlarından müsəlmanlara Ramazan ehtiramı
Az.shafaqna.com xarici mediaya istinadən xəbər verir ki, Qəzza sektorunda yaşayan xristianlardan çoxu müqəddəs Ramazan ayında müsəlman ənənələrinə əməl edirlər.
Bunu Fələstin Kilsə Məsələləri üzrə Ali Prezident Komitəsinin katibi Sana Tarazi bildirib.
Ümumilikdə Qəzzada 1313 xristian yaşayır.
Onun sözlərinə görə, Ramazan “gözəl uşaqlıq xatirələrinin” ayıdır; bu ayda o, uşaq ikən axşamlar dostları ilə oynayardılar.
“Ramazan ayında bizim yemək və içmək vərdişlərimiz olduqca dəyişir. Bu zaman biz adətən nahar etmirik, yalnız axşam namazından sonra yeyirik”, – deyə Tarazi bildirib.
O deyib ki, yeməyin iyinin oruc tutanları narahat etməməsi üçün yemək bişirilməsini də axşama saxlayırlar.
Onlar həmçinin bu ay xristianlar müsəlman qonşuları ilə bir-birilərinə yemək və şirnilər hədiyyə edirlər.
