Port Səid Beynəlxalq Quran Yarışması başa çatıb
Misirin Port Səid şəhərində keçirilən Beynəlxalq Qurani-Kərim müsabiqəsinin qaliblərinin mükafatlandırılması ilə bu müsabiqə başa çatıb.
"İQNA", "Əl-yəvmus-Sabi"-ə istinadən xəbər verir ki, Misirin Port Səid şəhərində başlayan Qurani-Kərim üzrə 5-ci Beynəlxalq Müsabiqə başa çatıb.
Bu il müsabiqə mərhum Misir qarisi Şeyx Mustafa İsmayılın xatirəsinə baş nazir Mustafa Madbulinin nəzarəti altında keçirilib. Bağlanış mərasimində bir sıra Misir rəsmiləri və şəxsiyyətləri də iştirak edib.
Misirin Port Səid şəhərinin Beynəlxalq Qurani-Kərim müsabiqəsinin bağlanış mərasimində münsiflər heyətinin üzvləri və müsabiqənin qalibləri mükafatlandırılıb.
4038318
