Ayətullah Xameneinin şəhid Nəsrullah üçün başsağlığı mesajı
İslam İnqilabının Rəhbəri Ayətullah Seyid Əli Xamenei Hizbullah Hərəkatının baş katibi Seyid Həsən Nəsrullahın şəhadəti ilə bağlı başsağlığı mesajı dərc edib.
Ayətullah Xameneinin başsağlığı mesajında aşağıdakı ifadələr yer alıb:
"Bölgədəki müqavimətə rəhbərlik edən din alimi və müdrik siyasi lider böyük Seyid Həsən Nəsrullah dünən gecə Livanda baş verən hadisələrdə şəhadət məqamına ucalaraq Allahın rəhmətinə qovuşdu.
Müqavimətin sevimli seyyidi illərin cihadının və Allah yolunda çəkdiyi çətinliklərin mükafatını müqəddəs bir mübarizə zamanı aldı. Fələstinin məzlum xalqını, işğal olunmuş qəsəbə və kəndlərini, dağıdılmış evləri, şəhidləri müdafiə etmək üçün on illərdir tədbirlər və planlar hazırlayan Nəsrullah Beyrutun Dahiyə bölgəsində xalqı, onların dağılmış evlərini və sevdiklərini müdafiə etmək üçün plan hazırlayarkən şəhid oldu. Bütün bu mübarizədən sonra şəhidlik lütfü onun əsl haqqı idi.
İslam dünyası, böyük şəxsiyyət, Müqavimət Cəbhəsi mühüm liderini, Hizbullah isə unikal liderini itirdi, lakin onilliklərlə davam edən cihadının bərəkəti heç vaxt itirilməyəcək.
Onun Livanda qurduğu və digər müqavimət qruplarına rəhbərlik etdiyi təməl onun itkisi ilə yox olmayacaq, müqavimət Nəsrullah və bu hadisənin digər şəhidlərinin tökülən qanları sayəsində güclənəcək.
Müqavimət Cəbhəsinin sionist rejimin köhnəlmiş və çürümüş bədəninə vurduğu zərbələr daha sarsıdıcı şəkildə davam edəcək. Sionist İsrailin şər xisləti bu hadisədə qalib gəlmədi.
Müqavimət Seyidi şəxs deyil, bir yol və məktəbdir və bu yol davam edəcək. Şəhid Seyid Abbas Musəvinin qanı yerdə qalmadı, şəhid Seyid Həsənin də qanı yerdə qalmayacaq.
Seyid Həsən Nəsrullahın ailəsinə, Hizbullah Hərəkatı, Müqavimət Oxu, Livan xalqı və səlahiyyətlilərinə başsağlığı verən Ayətullah Əli Xamenei şəhid Nəsrullah üçün ölkədə beş günlük matəm elan edib".
