İranda “10 km-lik Qədir şənlikləri” keçiriləcək
İslam dünyasının əzəmətli bayramlarından olan Qədir-Xum hicri-qəməri təqvimi ilə zilhiccə ayının 18-də qeyd olunur.
Qədir-Xum hadisələrinin koordinatoru Sasan Zare mətbuat konfransında bildirib ki, iyunun 14-də Tehranda və ölkənin 500-dən çox şəhərində “10 km-lik Qədir-Xum şənlikləri” adlı xüsusi tədbir keçiriləcək.
Zare paytaxt Tehranın İmam Hüseyn (ə) meydanından Azadi meydanına qədər 10 km ərazini əhatə edən tədbirdə təxminən 100 min insanın insanlara xidmət edəcəyini bildirib.
Builki Qədir-Xum şənliklərinin beynəlxalq səviyyədə də keçiriləcəyini qeyd edən Zare, “İndiyə qədər 20-dən çox ölkə kilometrlərlə davam edən Qədir-Xum şənliyini keçirəcəklərini açıqladı. Media qurumları, şübhəsiz ki, bu beynəlxalq iştirakın görüntülərini əks etdirəcək” dedi.
Zare builki tədbir üçün 2400 yemək çadırının qurulmasının planlaşdırıldığını bildirib.
“'Qədir-Xum” müsəlmanların ən mühüm bayramlarından biridir. Tarixə və bir çox mənbəyə görə bu gündə Həzrət Muhəmməd (s) özünə canişin seçir və ardıcıllarının rəhbərliyini Əbu Talibin oğlu Əliyə (ə) həvalə edir və Allahın əmri ilə ona “vəli, qardaş və canişin” adını verir.
mehrnews
