Qərb mediası: ABŞ-ın İranın su obyektlərinə hücumu hərbi cinayət hesab edilə bilər
“İQNA”-nın məlumatına görə, Britaniyanın "Guardian" qəzeti yazır ki, hərbi və hüquq ekspertləri Hürmüz boğazından təxminən iki mil aralıda yerləşən Sirik şəhristanının "Bəmani" kəndinə iyunun 10-da endirilən zərbələrlə bağlı media hesabatlarını və vizual sübutları araşdırdıqdan sonra, İranın cənubundakı iki su anbarı obyektinə ziyan vuran hərbi hücumların hərbi cinayət sayıla biləcəyini bildiriblər.
Qəzet qeyd edir: "Bu hücumların su anbarlarını qəsdən hədəf alıb-almadığı, yaxud yaxınlıqdakı təxminən 20 min sakini su ilə təmin edən əsas su anbarını bilməyərəkdən məhv edib-etmədiyi hələlik məlum deyil."
Qəzet qeyd edib ki, ABŞ Dövlət Departamentinin keçmiş vəkili Brayan Finukeynin dediyi kimi, əgər anbarlar həqiqətən hədəf alınıbsa, bu, çox ciddi hüquqi məsələyə çevrilir.
Altıdan çox ölkədə respublikaçı və demokrat hökumətlərə güc tətbiqi ilə bağlı məsləhətlər verən Finukeyn bildirib ki, İranın bu nöqtəsindəki su obyektlərinə hücumun qəsdən edildiyi sübut olunarsa, bu, şübhəsiz ki, müharibəyə olan dəstəyə təsir göstərəcək.
"Guardian"ın bu hesabatı "New York Times"ın çərşənbə günü səhər saatlarında endirilən zərbələrin İranın cənub sahillərində, Hürmüz boğazı yaxınlığında içməli su təchizatı obyektini dağıtması barədə məlumatından sonra yayımlanıb.
Bu Amerika mediası yazır: "Mülki infrastrukturu qəsdən hədəfə almaq beynəlxalq hüquqa əsasən hərbi cinayət sayılır."
ABŞ-ın "NBC News" kanalı da bu barədə bildirib: "Peyk görüntüləri təsdiqləyir ki, ABŞ hava hücumları nəticəsində İranın cənubundakı bir kəndin sakinlərinin içməli su infrastrukturunu məhv edib!"
Hesabata əsasən, peyk görüntülərinin və yayımlanmış videoların təhlili göstərir ki, çərşənbə günü səhər edilən ABŞ hücumları İranın cənub sahillərindəki içməli su təchizatı infrastrukturunun bir hissəsini dağıdıb.
Amerikalı media qurumu bildirib ki, obyektlərdəki damların və boruların xüsusi quruluşunu peyk görüntüləri ilə müqayisə edərək, bu komplekslərin yerini Hörmüzqan əyalətinin kəndlərindən birində müəyyən edib.
"NBC News" vurğulayıb ki, mülki şəxslərin içməli su infrastrukturuna hücumun qəsdən olduğu sübuta yetirilərsə, bu hərəkət beynəlxalq qanunlara əsasən hərbi cinayət kateqoriyasına düşə bilər.
4357756
