Qurani-Kərim rəsmləri İraq Beynəlxalq Xəttatlıq Festivalında nümayiş etdirilib

İQNA – İraqın qədim “Ur” şəhərində keçirilən beynəlxalq ərəb xəttatlığı festivalında Quran ayələri və xəttatlıq ilə bəzədilmiş rəsmlər ictimaiyyətə təqdim olunub.

"Alahvar" internet saytının verdiyi məlumata görə, İraqın nəqliyyat naziri Rəzzaq Muhibs Əl-Sadavinin nəzarəti altında keçirilən festivalda İraqın mədəni və bədii irsinin dirçəldilməsindəki rolu vurğulanıb.

Festivalda indiki ilə keçmişi birləşdirən orijinal ərəb xəttatlığı sərgilənib.

Beynəlxalq Festivalda İran, Türkiyə, Livan, Suriya və İndoneziyadan olan rəssam və xəttatların iştirak etdiyi, əksəriyyəti sülüs xətti ilə yazılmış 50-dən çox bədii rəsm sərgilənib.

Sülüs, Cali, Divani və Fars müasir xəttatlığını birləşdirən müxtəlif rənglərdə iştirakçı rəssamların əsərlərinin nümayiş olunduğu festival pərəstişkarlarından tam qiymət aldı.

Dhi Qar Vilayət Şurasının üzvü Əhməd Fərhan Əl-Hafaci ərəb xəttatlığının İraqın mədəni kimliyinin bir hissəsi olduğunu deyib.

Bundan əlavə, İmam Hüseyn (ə) ziyarətgahının Darul-Quranına bağlı “Vəl Qələm” Xətt Mərkəzi də bu beynəlxalq festivalda iştirak edərək ərəb xəttatlığının gözəlliyini və rəngarəngliyini nümayiş etdirmək üçün öz yaradıcı və orijinal əsərlərini təqdim edib.

 

4260910