Misirdə rus məscidlərinin fotosərgisi

İQNA – İsgəndəriyyədəki Rus Mədəniyyət Evi Rusiyanın tarixi məscidlərini əks etdirən “Rusiyada İslam” adlı fotosərgi təşkil edib.

“Əş-Şuruq” saytındakı xəbərə görə, bu fotosərgidə Rusiyanın müxtəlif bölgələrində çəkilmiş köhnə rus məscidlərinin fotoşəkilləri yer alıb. Məsələn, Kazanın tarixi minarələrindən tutmuş, Moskvanın müasir İslam mərkəzlərinə qədər bir çox yerlərin fotoşəkilləri sərgilənib.

Fotolar İslam memarlığının gözəlliyini, dini ənənələrin mənəvi dərinliyini və Rusiyadakı müsəlman icmalarının gündəlik həyatını üzə çıxarıb.

İsgəndəriyyədəki Rusiya Mədəniyyət Evinin direktoru Arseni Matyuşenko İslamın ölkədə mühüm yer tutduğunu və burada bir çox müxtəlif dinlərin yaşadığını bildirib.

“O, İsgəndəriyyə sərgisi Rusiyadakı İslam cəmiyyətlərinin müxtəlifliyini ortaya qoyur və ənənə ilə müasirliyi birləşdirərək mədəni dialoqun əhəmiyyətini və müxtəliflikdən gələn zənginliyi vurğulayır” dedi.

Rusiya 146 milyon əhalisi olan çox böyük ölkədir və 25 milyon müsəlman olan bu ölkədə İslam ikinci ən böyük dindir.

Bu ölkə Avropanın ən çox müsəlman əhalisinə sahibdir. Rusların əksəriyyəti pravoslav xristianlardır.

4275545