Məscidül‑Əqsanın yenidən açılması şəri vəzifədir
“İQNA”-nın “msf-online.com” xəbər portalına istinadən verdiyi məlumata görə, Birlik bəyan edib ki, Məscidül‑Əqsanın ibadət edənlərin üzünə bağlanması onilliklərdir görünməmiş təhlükəli bir presedentdir və İslam ümmətinin ciddi mövqe ortaya qoymasını tələb edir.
Birlik bu məsələ ilə bağlı İslam ölkələrini təcili addımlar atmağa çağıraraq xəbərdarlıq edib ki, Məscidül‑Əqsanın bağlı qalmasının davam etməsi onun üzərində suverenlik iddiasının qəbul etdirilməsinə yol açır, məscidin İslami kimliyini təhdid edir və mövcud reallığı dəyişdirir.
Bəyanatda İslam ümmətinin kütlələrinə müraciət edilərək, bu addımlara qarşı dinc nümayiş və etiraz aksiyaları keçirməyə və dini hüquqlara bağlılıqlarını ifadə etməyə çağırılıb.
Birlik xətiblərdən xahiş edib ki, cümə xütbələrini Məscidül‑Əqsaya həsr etsinlər, onun mövqeyini və qarşılaşdığı təhlükələri izah etsinlər.
Bəyanatda həmçinin İslam ölkələrinin liderlərinə rəsmi və təcili mesajlar göndərilməsi tələb olunub ki, onlar öz məsuliyyətlərini qəbul etsinlər və Məscidül‑Əqsanın qorunması yollarını araşdırmaq üçün təcili İslam konfransının keçirilməsinə çalışsınlar.
Bəyanat İslam dünyasında fətva mərkəzləri və vəqflər nazirliklərinin ümməti maarifləndirmək və müqəddəs məkanların qorunması üçün qərarvericilərə qanuni təzyiq göstərməkdə rolunun vacibliyini də vurğulayıb.
Qeyd edək ki, sionist işğalçı qüvvələr 1967‑ci ildən bəri görünməmiş şəkildə artıq bir aydır ki, ibadət edənlərin Məscidül‑Əqsaya girişinə mane olur.
4343261
