İnqilabın şəhid liderinin müqəddəs cənazəsi qarşısında namazın onun böyük oğlu tərəfindən qılınması
İQNA-nın Xorasan-e Rəzəvidən verdiyi məlumata görə, 9 iyul günorta saatlarında şəhid liderin cənazəsi milyonlarla insanın iştirakı ilə keçirilən vida mərasimindən sonra İmam Rzanın (ə) hərəminə gətirilib.
Məşhədin İmam Rza (ə) küçəsində insanların kütləvi iştirakı və sıxlığı nəzərə alınaraq, şəhid liderin müqəddəs cənazəsinin və ailə üzvlərinin daşınması üçün yeni tədbirlər görülüb.
Buna əsasən, cənazəni daşıyan avtomobil izdihamlı əsas yoldan (Daneş dörd yolundan) çıxaraq Firdovsi stadionuna istiqamətlənib və oradan hərəmin ərazisinə helikopterlə çatdırılıb.
Şəhid liderin cənazə namazından öncə Peyğəmbəri-Əzəm (s) səhnində Ayətullah Ələmül-Hüdanın imaməti ilə məğrib və işa namazı qılınıb.
Zəvvarların çoxluğu səbəbindən şəhidlərin cənazə namazı İmam Rzanın (ə) hərəminin müxtəlif səhnlərində, eləcə də Təbərsi, Şirazi və Nəvvab Səfəvi həyətlərində icra olunub.
Məhəmməd Baqir Qalibaf, Höccətül-İslam Qulamhüseyn Möhsüni-Ejeyi və Höccətül-İslam Seyid Həsən Xomeyni İmam Rzanın (ə) hərəmində şəhid liderin cənazə namazında iştirak edən siyasi şəxsiyyətlər arasında olublar.
İnqilabın şəhid liderinin cənazə namazı onun böyük oğlu Ayətullah Seyid Mustafa Hüseyni Xameneinin imaməti ilə qılınıb.
4363141
