د پاکستان د وحدت مسلمین ځایی مشر علامه ناصر عباس په لاهور کې ترور کړی شو
نړیواله ډله: د پاکستان د وحدت مسلمین ګوند لوړ رتبه غړی او د تحریک نفاذ فقه جعفریه یو مشر علامه ناصر عباس په لاهور کې ترور کړی شو.
د قران نړیوال خبری اژانس ایکنا د یو راپور پر اساس چې له د عراق له اطلاع رسولو مرکز عراق القانون یې نقلوی چې د پاکستان د لاهور ښار پولیسو وویل په علامه ناصر عباس پرون د لاهور ښار په وحدت روډ کې نامعلومو کسانو ډزې وکړې او هغه یې وواژه.
د پولیسو مقاماتو زیاته کړه چې د پاکستان د شیعیانو دغه مشر په لاهور کې د عزادارۍ په مراسمو کې له ګډونه وروسته له حملې سره مخامخ شو .
تر اوسه کوم کس یا ډلې دغه حملې پړه په غاړه نه ده اخستې.
له دغه اقدامه وروسته د پاکستان مجلس وحدت مسلمین او تحریک نفاذ فقه جعفریه په هیواد کې د درې ورځو ویر اعلان کړی دی.
د مجلس وحدت مسلمین جنرل سیکرټری علامه راجه ناصر عباس جعفری د دغه حملې په غندلو سره له حکومته غوښتی چې د هغه قاتلان زر تر زره ونیسی.
دا په داسې حال کې دی چې څو ورځې مخکې د سند صوبې په کراچۍ ښار کې د مجلس وحدت مسلمین مرستیال مشر علامه دیدار علی جلبلانی ترور شوی و.
د پاکستان سیاسی شخصیتونه د شیعه شخصیتونو وژله په پاکستان کې د شیعه سنی فساداتو د جوړولو لپاره د اسلام د دښمنانو توطئه ګڼی.
