په نیجر او نیجریه کې په ۴۰۰ ښارونو کې د حسین عزاداری مراسم ترسره شول

ایکنا- په دوو افریقائي هیوادونو نیجر او نیجریه کې د محرم  الحرام د میاشتې د عزادارۍ مراسم په ۴۰۰ ښارونو او سیمو کې ترسره شول او داسې پراخ سیمه‌ییز رنګ ئې خپل کړی چې له ښارونو او ایالتونو له پولو هم واوښت.

یکنانیوز د پریس ټي وي له قوله راپور راکړی، د  حسینی تاسوعا اوعاشورا پروګرامونه یوازې د ماتم مجلسونو او مذهبي ویناوو پورې محدود نه دي. په دغو مراسمو کې بېلابېل مذهبي، کلتوري او ټولنیز فعالیتونه هم شامل دي؛ لکه د کربلا د پېښو تمثیلي بیا ژوندي کول، د امام حسین(ع) په ویر کې د مرثیو او شعرونو ویل، فکري سیمینارونه جوړول، د جماعت لمونځونه ادا کول او  په ګډونوالو   د خوړو وېشل. دا ټول فعالیتونه د دې سبب کېږي چې د عاشورا مناسبت د سیمې د خلکو په ټولنیز او عام ژوند کې لا پیاوړی شتون  ومومي.

په ویناوو کې مطرح کېدونکي موضوعات د امام حسین(ع) د پاڅون پر فکري او اخلاقي اړخونو ټینګار کوي او د قربانۍ، پر اصولو د ټینګ درېدو، عدالت او د ظلم پر وړاندې د مقاومت ارزښتونه بیانوي. همدارنګه دغه ارزښتونه د مسلمانانو د ټولنو له اوسنیو واقعیتونو او ننګونو سره تړي.

د روان کال په محرم کې د دغو مراسمو پراخ لمانځل دا څرګندوي چې اسلامي غورځنګ د دې توان لري چې په سلګونو ښارونو او سیمو کې په یو وخت مراسم تنظیم کړي، په داسې حال کې چې واحد دیني پیغام او  ډول ډول فعالیتونه هم وساتي. همدې چارې محرم د نیجرئې او نیجر د پیروکارو  لپاره په یوه مهم مذهبي او ټولنیز فصل بدل کړی دی.

دغه ستره مذهبي غونډه ښئي چې په لوېدیځي افریقا کې د محرم لمانځنه نور یوازې یوه محدوده مذهبي پېښه نه ده، بلکې په یوه کلني مناسبت بدله شوې چې دیني پوهاوی، کلتوري هویت او ټولنیزه ونډه اخیستنه سره یوځای کوي. دا ټول د امام حسین(ع) د انقلاب له هغو اصولو الهام اخلي چې د اصلاح، حق‌پالنې او پر حقیقت د ټینګار سمبول ګڼل کېږي.  

https://iqna.ir/fa/news/4359787