د طالبانو موقته حکومت دې د افغان ولس واقعي ضرورتونو ته خاصه پاملرنه وکړي
ایکناخبری آژانس د پارس ټوډې له قوله راپور راکړ،د ايران او پاکستان خارجه وزيرانو حسېن امير عبداللهيان او شاه محمود قرېشي نن د چين په تونشي ښار کښې د افغانستان د ګاونډيو هېوادونو د دريمې غونډې ترڅنګ په کتنه کښې له افغان ولس سره په مرستو کښې له نړيوالو ملګرتياؤ په ملاتړ سره چې له ګاونډيانو سره د افغانستان د تعلقاتو د پراختيا او د خلقو د ژوند د حالاتو سبب کيږي د ځينو فېصلو په سست بهير اندېښنه څرګنده کړه.
د ايران او پاکستان خارجه وزيرانو همدارنګ له تعليم څخه د افغان جينکو بې برخې کول نااميده کؤنکې چاره وبلله او دا ډول اقدامات ئې له خلقو او نړيوال مشروعيت څخه د طالب واکمنې ډلې د لیرې کېدو سبب وبلل.
امير عبداللهيان او شاه محمود قرېشي د ايران او پاکستان د تعلقاتو د پراختيا له بهير څخه هم هرکلے وکړ او موافقه يې وکړه چې په روان کال کښې به د لوړې سطحې ليدنې کتنې ترسره شي او په لومړي فرصت کښې به د اقتصادي ملګرتياو ګډ کمېشن جوړ شي.
دواړو خارجه وزيرانو همدارنګ زر تر زره له پوله ايزو بازارچو سره په اړونده موافقې هم ټينګار وکړ.
دواړو لورو په دوام کښې د اېټمي موافقې د خبرو اترو د وروستي حالت په بيانولو سره د باقي پاتې مشکلاتو هواری د امريکائي لوري له ارادې سره تړلی وبلۀ. امير عبداللهيان په يوکرائن کښې د مشکلاتو د حل لارې په توګه د جنګ په ردولو سره د جنګ د مخنيوي، له اوسني حالته د وتلو او د يوکرائن له خلقو سره د بشردوستانه مرستو لپاره د ايران د اسلامي جمهوريت د سفارتي هلو ځلو ذکر وکړ چې پاکستاني لوري ئې ستائنه وکړه.
