IQNA

قرآن او شخصیتونه{2}

حواّ؛د بشریّت مور او د آدم (ع)له جنسه یوه میرمن

15:06 - July 03, 2022
د خبر لمبر: 3485949
ایکنا-(تهران )  حوَّا د بشر د نسل مور  ده او قرآن کریم وائي ، چې د آدم علیه السلام له وجود سره ئې ګوهر  یو دی .

انسان د آدم (ع) له نسله او د هغه ماندینه   حوَا ده . حوَا ،لومړنۍ میرمن  ، او د بشر دنسل مور ده . د قرآن کریم په وینا ،آدم(ع) یوه  ماندینه درلودلې ده ،  «يا آدَمُ اسْكُنْ أَنْتَ وَزَوْجُكَ الْجَنَّةَ:   ؛ ائ آدم ! ته له خپلې ماندینې سره په جنت کې هستوګن شه:::  په قرآن کې ددغې  ماندینې   نامه ذکر شوي نه ده او حدیثونو او تفسیرونو د هغې نامه ؛حوَا؛ ذکر کړې ده . مفسّرانو، د ؛حوا نامه  له ؛ حَیَ ؛کلمې څخه (ژوندی موجود)راخستل شوی بللی  دی . له دې اړخه ،  چې  هغه د درستو ژوندیو مور ده .

قرآن کریم ،د آدم(ع) پنځون ، له خاورې او خّټو  بللی دی ، خو  د حوَا پنځیدا  جزیاتو په باب ئې څه نه دي وئيلي . دقران کریم په یوه آیت کې وئيل شوي دی چې  خداوند ،لومړی آدم وپنځوۀ او  بیا ئې (له پاتې خَټو) دهغه ماندینه  خلق کړه .  «خَلَقَكُمْ مِنْ نَفْسٍ وَاحِدَةٍ ثُمَّ جَعَلَ مِنْهَا زَوْجَهَا»   (د زمر سوره =۶)

ددغه آیت په اساس ،  خداوند  انسانان ، له یوه نفسه(نفس واحدهّ) وپنځول . زیاتره مفسّران ، له ؛ یوه نفسه ؛ مقصد ،حضرت آدم  او له زوج  ؛ څخه  مطلب  ؛حوَا ګڼلې ده .  

په نساء سورې کې  هم  له ؛ نفسِ واحده ؛ څخه ددرستو انسانانو  پنځیدا ته اشاره شوې ده  او وئيل شوي دي چې  خداوندمتعال  دآدم ماندینه  هم  دهغه له جنسه خلق کړې ده ،  او  هردواړو ئې ، د مځکې پر مخ  ډير زیات سړي او ښځې خورې کړي دي .  «خَلَقَکُمْ مِنْ نَفْسٍ واحِدَهٍ وَ خَلَقَ مِنْها زَوْجَها وَ بَثَّ مِنْهُما رِجالاً کَثیراً وَ نِساءً» (نساء: 1).  پر دې اساس  په پنځیدا کې د سړي او ښځې وجودي ګوهر یو دی .

له پنځيدا وروسته  آدم او دهغه ماندینه ،  د خداي په غوښتې سره په جنت کې هستوګن کیږي . خداي تعالی  دوي ته وائي ، چې  دلته له هر هغه نعمته چې  هرڅومره غواړئ وخورئ ، خو دغې وَنې ته نږدې نه شئ، چې که  نږدې شئ ، نو له ستمکارانو به یاست:  «يَا آدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَٰذِهِ الشَّجَرَةَ فَتَكُونَا مِنَ الظَّالِمِينَ» (بقره: 35).   خو شیطان  هردواړو ته  دوکه وکوي او دوي  له هغې ممنوعه وَنې څخه میوه خوري  او په همدې خاطر له  جنته  ویستل کیږي  او پر  مځکې ژوند ته اړ کیږي .

 په یهودیّت او مسیحیّت دینونو  کې ، حوَا  یوه دوکه خوړلي  او ګمراه شوي معرفي شوې ده  چې  شیطان په پیل کې هغې ته دوکه ورکوي او وروسته د  دهغې له لارې آدم ته  هم دوکه ورکوي ، یعني حوَا  د آدم د دوکې خوړلو لامل کیږی . خو  په قرآن کریم کې ، آدم او حوَا  هردواړه ،په یوه اندازه مسئول پیژندل شوي دي او شیطان  هردواړه وسوسه  کړي دي .  «فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ» (بقره: 36).      

د خبر لمبر:
بريښناليک:
* ستاسو نظر:
* :